Jaat Trailer Release : रणदीप हुड्डाचा थरार अन् सनी देओलचा ढाई किलो का हात, 'जाट' चित्रपटाचा धमाकेदार ट्रेलर पाहिलात?

बॉलिवूड अभिनेता सनी देओल(Sunny Deol) सध्या त्याच्या आगामी चित्रपट 'जाट'मुळे चांगलाच चर्चेत आहे. या चित्रपटात सनी देओलसोबत रणदीप हुड्डा (Randeep Hooda) देखील दमदार भूमिकेत पाहायला मिळणार आहे. नुकताच 'जाट' (Jaat Trailer Release) चित्रपटाचा धमाकेदार ट्रेलर प्रेक्षकांच्या भेटीला आला आहे. ट्रेलर पाहून चाहत्यांची चित्रपट पाहण्यासाठी उत्सुकता वाढली आहे.

'जाट'च्या ट्रेलरमध्ये सनी देओल आणि रणदीप हुड्डा थरार अनुभवायला मिळत आहे. 'जाट' चित्रपटातील डायलॉगला चाहत्यांकडून खूप पसंती मिळत आहे. ट्रेलरमधील सनी देओलच्या एका डायलॉग ने लक्ष वेधून घेतले आहे. सनी देओल म्हणतो, की, "ये ढाई किलो की हात की ताकद पूरा नॉर्थ देख चुका है अब साऊथ देखेगा" 'जाट' हा ॲक्शन चित्रपट आहे.

'जाट' चित्रपटात मराठी प्रसिद्ध अभिनेता उपेंद्र लिमये देखील पाहायला मिळणार आहे. त्याने देखील चित्रपटात दमदार अभिनय केल्याचे पाहायला मिळत आहे. 'जाट' चित्रपटाचे दिग्दर्शन गोपीचंद मालीनेनी यांनी केले आहे. 'जाट' चित्रपट 10 एप्रिलला प्रदर्शित होणार आहे. सनी देओलच्या 'गदर 2'ला जसे प्रेम आणि प्रतिसाद मिळाला तसाच प्रतिसाद 'जाट' चित्रपटाला मिळेल असे दिसून येत आहे.

चित्रपटातील रणदीप हुड्डा 'रणतुंगा' या भूमिकेत दिसणार आहे. रणदीप हुड्डा खलनायकाची भूमिका साकारणार आहे. चित्रपटात सनी देओल मुख्य भूमिकेत झळकणार आहे. तसेच चित्रपटात विनीत कुमार सिंह, सैयामी खेर आणि रेजिना कैसेंड्रा महत्त्वाच्या भूमिका साकारत आहेत. चित्रपटातील अॅक्शन दृश्ये प्रेक्षकांना खिळवून ठेवतील.