दाक्षिणात्य सुपरस्टार राम चरण (Ram Charan ) आपल्या अभिनयाने प्रेक्षकांच्या मनावर राज्य करतो. त्याचा अभिनय पाहून चाहते घायाळ होतात. राम चरणचा मोठा चाहता वर्ग आहे.
राम चरण 'गेम चेंजर' या चित्रपटातून प्रेक्षकांच्या भेटीला येणार आहे. नुकताच या चित्रपटाचा टीझर लाँच करण्यात आला. हा टीझर लाँचचा सोहळा लखनऊमध्ये पार पडला. 'गेम चेंजर' चित्रपटाच्या टीझर लाँचचा कार्यक्रम शनिवारी सकाळी पार पडला. तेव्हा हैदराबाद एअरपोर्टवर दाक्षिणात्य सुपरस्टार राम चरण यांना स्पॉट केले गेले. तेव्हा राम चरण अनवाणी दिसला. त्याच्या पायात चप्पल नव्हती. राम चरण यांचा अनवाणी पायाचा व्हिडीओ सोशल मीडियावर तुफान व्हायरल होत आहे.
राम चरण एअरपोर्टवर काळ्या कपड्यांमध्ये स्पॉट झाला. तो गाडीतून उतरताना त्याच्या पायात चप्पल किंवा बूट काहीच नव्हते. मीडिया रिपोर्टनुसार, त्याच्या अनवाणी जाण्यामागचे कारण असे की, दक्षिणेत अयप्पा दीक्षा नावाची परंपरा आहे. यात ४१ दिवस ब्रह्मचर्याचं पालन करायचे असते. यात अनवाणी चालावे लागते. दरवर्षी राम चरण हे करतो.
'गेम चेंजर' चित्रपट 10 जानेवारी 2025 रोजी प्रेक्षकांच्या भेटीला येणार आहे. चाहत्यांना या चित्रपटाची खूप जास्त उत्सुकता लागली आहे. अभिनेता राम चरणच्या अभिनयाने चाहते वेडे होतात. या चित्रपटाची पार्श्वभूमी राजकारण पाहायला मिळणार आहे. या चित्रपटात राम चरणसोबत बॉलिवूड अभिनेत्री कियारा अडवाणी स्क्रीन शेअर करणार आहे. या चित्रपटाच्या पोस्टरने सर्वांचे लक्ष वेधून घेतले आहे. 'गेम चेंजर' चित्रपटात राम चरण आयएएस अधिकारी राम मदन यांची भूमिका साकारणार आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.