Naga Chaitanya : सुमडीत Engagement आता गुपचुप लग्न; नागा चैतन्यच्या वेडिंग लूकचा VIDEO व्हायरल

दाक्षिणात्य अभिनेता नागा चैतन्यने ( Naga Chaitanya ) या महिन्याच्या सुरुवातीला शोभिता धुलिपालासोबत (Sobhita Dhulipala) साखरपुडा केला. या दोघांनीही अगदी खाजगी पद्धतीने आपला साखरपुडा उरकला. आता काही दिवसांनंतर नागा चैतन्यचा एक व्हिडिओ समोर आला आहे, ज्यामध्ये असा दावा केला जात आहे की, त्याने आता गुपचूप लग्न देखील केले आहे. ज्यामध्ये नागा चैतन्य फुलांनी सजवलेल्या कारमध्ये बसून बँडबाजासोबत जात आहे.

इतकंच नाही तर व्हिडिओमध्ये मिरवणुकीत बँडच्या तालावर लोक नाचताना दिसत आहेत. यात नागा चैतन्य शेरवानी घातलेला दिसत आहे. तो एका आलिशान कारमध्ये बसला असून काही लोक त्यासमोर बँडसोबत नाचतानाही दिसत आहेत. सध्या हा व्हिडिओ इंटरनेटवर व्हायरल होत आहे. हा व्हिडिओ हैदराबादचा असल्याचे सांगितले जात आहे. जेथे शोभिता आणि नागा चैतन्यने लग्न केले. मात्र, आतापर्यंत शोभिताचा कोणताही फोटो किंवा असा व्हिडिओ समोर आलेला नाही.

व्हिडिओवर नेटकऱ्यांकडून अनेक कमेंट्स येत आहेत. काही लोक म्हणत आहेत की, या जोडप्याने गुपचूप लग्न केले आहे तर काहींना हा व्हिडिओ जुना वाटत आहे. चाहते आता शोभिता आणि चैतन्यच्या लग्नाचे फोटो शेअर करण्याची वाट पाहत आहेत. नागा चैतन्यच्या साखरपुड्या वेळी त्याची एक्स बायको अभिनेत्री समंथा हिने कोणतीही प्रतिक्रिया दिली नव्हती.