Urfi Javed: उर्फी जावेदची धडकी भरवणारी सोशल पोस्ट; म्हणाली, हे राजकीय लोक मला आत्महत्येस...

Urfi Javed Post On Instagram: उर्फी जावेद आणि चित्रा वाघ यांचा सोशल मीडियावर वाद सुरू आहे. या वादात शिवसेना नेत्या सुषमा अंधारे यांनी उडी घेत चित्रा वाघ यांना सुनावले आहे. उर्फीने यावर सोशल मीडियावर पोस्ट करत मोठे वक्तव्य केले आहे.

काही दिवसांपूर्वी चित्रा वाघ यांनी 'ही बाई ज्या दिवशी सापडेल त्या दिवशी तिचे थोबाड रंगवेन' असे म्हटले होते. त्यानंतर या दोघींचे सोशल मीडियावर वाद सुरु झाले. उर्फी विरोधात अनेक पोलिस स्थानकात तक्ररी दाखल करण्यात आल्या आहेत.

उर्फीने नुकतेच तिच्या इन्स्टाग्रामवर एक स्टोरी शेअर केली आहे. या स्टोरीमध्ये उर्फीने म्हटले आहे की, राजकीय लोकांविषयी बोलणे खूप धोक्याचे असते. परंतु हे लोक मला आत्महत्या करण्यास भाग पाडत आहेत. यांच्यामुळे एकतर मी स्वतःला संपवेन किंवा हे माझी मानसिकता संपवतील. तसेच पुन्हा सांगते, मी हे सर्व सूरू केलेले नाही. मी कधीही कोणाचे वाईट केलेले नाही. ते लोक विनाकारण माझ्यावर आरोप करत आहेत.

उर्फी जावेद आणि चित्रा वाघ यांचा हा वाद अजून कुठपर्यंत जाईल हे सांगता येत नाही. परंतु यामुळे महाराष्ट्रातील वातावरण तापायला सुरूवात झाली आहे. उर्फीची ही पोस्ट राजकीय नेत्यांवर काही परिमाण करेल का? या वादात कोण माघार घेईल? असे अनेक प्रश्न उपस्थित होत आहेत.