मुंबई : 'बिग बॉस मराठी'च्या ५ व्या सिझनचा ग्रँड प्रीमियर दणक्यात पार पडला आहे. या सिझनमध्ये 'बिग बॉस'च्या घरात १६ स्पर्धकांनी एन्ट्री केली आहे. या स्पर्धकांमध्ये रील स्टार सूरज चव्हाणनेही गुलीगत एन्ट्री केली आहे. 'बिग बॉस'च्या घरातील सूरज चव्हाणच्या एन्ट्रीवर अभिनेता, गायक उत्कर्ष शिंदेने खास पोस्ट केली आहे. हे रसायन वेगळं आहे, असं उत्कर्षने म्हटलं आहे.
'बिग बॉस' मराठी ५ च्या घरात अभिनेत्री, अभिनेते आणि कलाकारांसह सोशल मीडिया एन्फ्ल्यून्सर पाहायला मिळणार आहे. यंदाच्या सिझनमध्ये वर्षा उसगांवकर, निखिल दामले, कोकण हार्टेड गर्ल म्हणजेच अंकिता प्रभू वालावलकर, पंढरीनाथ कांबळे, अरबाज पटेल, आर्या जाधव, पुरुषोत्तमदादा पाटील, योगिता चव्हाण, जान्हवी किल्लेकर, इरिना रुडाकोवा, निक्की तांबोळी, वैभव चव्हाण, अभिजित सावंत, घन: श्याम दरवडे धनंजय पोवार आणि गुलिगत धोका फेम सूरज चव्हाण देखील असणार आहे.
बिग बॉस मराठीच्या सिझनमध्ये पहिल्यांदा सोशल मीडिया एन्फ्लूएंसरना सहाभागी होण्याची संधी मिळाली आहे. या सिझनमध्ये सहभागी झालेले सोशल मीडिया एन्फ्लूएंसरसोबत बॉलिवूड सेलिब्रिटीही खेळताना दिसणार आहे. १०० दिवसांच्या खेळात रूसवे- फुगवे, मैत्री, प्रेम आणि राडा पाहायला मिळणार आहे. याच खेळात टिकटॉकमुळे प्रसिद्धी मिळालेला सूरज चव्हाण देखील प्रतिष्ठापणाला लावणार आहे.
या रील स्टार सूरज चव्हाणसाठी गायक उत्कर्ष शिंदेनी खास पोस्ट केली आहे. 'स्पर्धक छान किंवा वाईट ठरवण्यात मजा नाही. सूरज चव्हाण असाच रॉ, फ्री, मोकळा, निर्भीड खेळला तर बऱ्याच जणांना याला सांभाळायचं कसं हे कळणार नाही. त्यामुळे सूरज हा बिग बॉसमध्ये मजा आणेल. हे रसायन वेगळं आहे, असे उत्कर्ष शिंदे यांनी पोस्ट करत म्हटलं आहे.
दरम्यान, लहानपणी आई-वडिलांचं छत्र गमावलेल्या रील स्टार सूरज चव्हाणला बहिणीने आधार दिला. हाच सूरज चव्हाण 'बिग बॉस मराठी'च्या घरात कसा खेळणार, याकडे साऱ्याचं लक्ष असणार आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.