किंग खान शाहरुख आणि गौरी खानचा लाडका मुलगा आर्यन खानने डेब्ब्यू करण्याआधीच करोडो रुपयाची मालमत्ता खरेदी केल्याची चर्चा सुरू आहे. होय बातमी अशी आहे की दिल्लीमध्ये जिथे शाहरुख आणि गौरी खान राहत होते त्याच बिल्डिंगमध्ये आर्यनने 2 मजले खरेदी केले आहेत. आता तुम्ही विचार करत असाल की नक्की किती किंमत देऊन आर्यनने ही मालमत्ता खरेदी केली आहे. चला तर मग याविषयी जाणून घेऊयात.
करोडोमध्ये आहे खरेदी केलेल्या मालमत्ताची किंमत
द इकॉनॉमिक टाइम्सने प्रसिद्ध केलेल्या कागदपत्राद्वारे आर्यन खानने दिल्लीच्या दक्षिण भागात पंचशील पार्कमध्ये करोडो रुपयांची मालमत्ता खरेदी केली आहे. त्यासाठी आर्यनने तब्बल 37 करोड रुपये दिले आहेत. सुरवातीच्या काळात शाहरुख आणि गौरी खान याच बिल्डिंगमध्ये राहत होते. या बिल्डिंगचे डिझायनिंग स्वतः गौरी खानने केले आहे.
शाहरुख खानचीही दिल्लीत आहे करोडोची मालमत्ता
शाहरुख खान आणि गौरी खान पहिल्यांदा दिल्लीतच भेटले होते. शाहरुखची दिल्लीत आधीपासूनच खूप जास्त मालमत्ता आहे. ज्या बिल्डिंगमध्ये आर्यन खानने 2 मजले खरेदी केले आहेत त्याच बिल्डिंगचा तळमजला आणि बेस्मेंट शाहरुख खानचं आहे. याव्यतिरिक्त त्याच्याकडे 27,000 हजार क्षेत्रफळाचा हेरिटेज विलाही आहे. शाहरुखने 2001 मध्ये 13 करोडपेक्षाही जास्त किंमतीने खरेदी केला आहे.
आर्यन खानच्या डेब्ब्यू बद्दल बोलुयात
आर्यन खान लवकरच एक वेबसिरीजच्या माध्यमातून डेब्ब्यू करणार आहे. 'स्टारडम' ही एक वेबसिरीज आहे त्याचं दिग्दर्शन आर्यन खान करणार आहे. असं ऐकण्यात आलं आहे की शाहरुख खान या वेबसिरीजमध्ये छोटीसी भूमिकाही करणार आहे. अजूनतरी याबाबत पक्की बातमी आलेली नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.