Pathaan Advance Booking: 'पठान' चित्रपटचे अॅडव्हान्स बुकिंग'या' तारखेपासून होणार सुरू

Pathaan Advance Booking Will Start Soon: बॉलिवूड आगामी चित्रपट 'पठान' प्रदर्शनासाठी सज्ज आहे. दीपिका पदुकोण आणि शाहरुख खान असलेल्या या चित्रपटाला अनेक वादांना सामोरे जावे लागत आहे. या चित्रपटाच्या प्रदर्शनाविषयी अनेक बातम्या प्रदर्शित झाल्या होत्या. आता या सर्व बातम्यांना पूर्ण विराम लावत चित्रपटाच्या अॅडव्हान्स बुकिंग सुरू होणार असल्याचे सांगण्यात येत आहे. भारताबाहेर देखील या चित्रपटाची बुकिंग लवकरच सुरू होणार आहे.

शाहरुख खान 'पठान' चित्रपटाच्या माध्यमातून कमबॅक करणार आहे. शाहरुखला ४ वर्षानंतर मोठ्या पडद्यावर पाहण्यासाठी त्याचे चाहते उत्सुक आहेत. आता त्याच्या चित्रपटाला कसा रिस्पॉन्स मिळतो हे आपल्याला 'पठान' चित्रपटाची अॅडव्हान्स बुकिंग कशी होते यावरून कळणार आहे.

भारतासह इतर देशात 'पठान' चित्रपट २५ जानेवारी रोजी प्रदर्शित होणार आहे. 'पठान'चे अॅडव्हान्स बुकिंग १४ जानेवारीपासून सुरू होणार आहे. चित्रपट प्रदर्शित होण्याआधी १० दिवस अॅडव्हान्स बुकिंग सुरू करण्यात आले आहे. बर्लिन, डॉमटोर, म्यूनिख या देशात 'पठान' अॅडव्हान्स बुकिंग सुरू झाले असून एका दिवसात या देशातील सर्व चित्रपटगृह हाऊसफुल झाली आहेत.

चित्रपट निर्माती संस्था यशराज फिल्मकडून याबाबत कोणतीही अधिकृत घोषणा करण्यात आलेली नाही. चित्रपटाचा टीझर प्रदर्शित झाल्यापासून चित्रपट चर्चेत आहे. चित्रपटावरून अनेक वाद निर्माण झाले होते. शाहरुख खान, दीपिका पदुकोण आणि जॉन अब्राहाम यांना मोठ्या पडद्यावर पाहण्यासाठी प्रेक्षक उत्सुक आहेत.