अयोध्येतील राम मंदिरात रामलल्लाची प्राणप्रतिष्ठा काल 22 जानेवारी रोजी पार पडली. रामभक्तांची 500 वर्षांची प्रतीक्षा काल संपली. या सोहळ्यात विविध क्षेत्रातील दिग्गज मान्यवर अयोध्येत पोहोचले होते. मुकेश अंबानींपासून ते निम्मे बॉलिवूड काल अयोध्येत हजर होते. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
राम मंदिर परिसरातील कालचा एक व्हिडीओ सध्या सोशल मीडियावर व्हायरल होत आहे. या व्हिडीओमध्ये सुरक्षारक्षक बॉलिवूड सेलिब्रिटींना राम मंदिरात प्रवेश करण्यापासून थांबवताना दिसत आहेत. (latest ram mandir update)
सोशल मीडियावर व्हायरल होत असलेल्या व्हिडिओमध्ये दिसत आहे की, राम मंदिर परिसरात तैनात असलेले सुरक्षारक्षक आलिया भट्ट,रणबीर कपूर, कतरिना कैफ, विकी कौशल, रोहित शेट्टी यांच्यासह अनेक सेलिब्रिटींना आत मंदिरात जाण्यापासून थांबवत आहेत.
सुरक्षारक्षक सेलिब्रिटींना सांगिताना दिसत आहेत की, तुम्ही चुकीच्या गेटमधून आत येत आहेत. तसेच सुरक्षारक्षक त्यांना त्यांच्यासाठी असलेला मार्ग देखील दाखवत आहेत.
सर्व सेलिब्रिटींनी देखील सुरक्षारक्षकाने केलेल्या सूचनाचं पालन करत माघारी फिरण्याचा निर्णय घेतले आणि दुसऱ्या मार्गाने आत गेले. हा व्हिडिओ व्हायरल झाल्यानंतर सोशल मीडियावर सुरक्षारक्षकांचं कौतुक होत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.