अयोध्येतील राम मंदिराचा लोकार्पण सोहळा सोमवारी (२२ जानेवारी) मोठ्या थाटामाटात पार पडला. पंतप्रधान मोदी यांच्या हस्ते प्रभू श्रीरामाच्या मूर्तीची प्राणप्रतिष्ठा करण्यात आली. त्यानंतर राम मंदिर दर्शनासाठी खुले करण्यात आले. रामलल्लाचं पहिलंच मुखदर्शन घेण्यासाठी संपूर्ण देशभरातून रामभक्त अयोध्येत दाखल झाले आहेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
पहिल्याच दिवशी प्रभू श्रीरामाचं मुख दर्शन व्हावं, यासाठी मंगळवारी पहाटे ३ वाजेपासून भाविकांनी अयोध्येत तुफान गर्दी केली आहे. मंदिर परिसरात दर्शनासाठी भाविकांच्या लांबच लांब रांगा लागल्या आहेत. (Latest Marathi News)
रामभक्तांची वाढती गर्दी लक्षात घेता, अयोध्येत पोलिसांचा कडेकोट बंदोबस्त तैनात करण्यात आला आहे. प्राणप्रतिष्ठा सोहळ्यानंतर आजपासून राम मंदिर (Ram Mandir) भक्तांसाठी खुले करण्यात आलं आहे. गाभाऱ्यात विराजमान झालेल्या मूर्तीसह नवीन मूर्तीचे दर्शन भाविकांना करता येणार आहे.
त्यानुसार, मंगळवारी पहाटे ७ वाजेपासून दर्शनाला सुरुवात झाली आहे. सकाळी साडेअकरा वाजेपर्यंत पहिल्या सत्रामध्ये दर्शन घेता येणार आहे.यानंतर पूजेसाठी दीड तासांसाठी मंदिर दर्शनासाठी भाविकांना बंद ठेवण्यात येणार आहे. या वेळेत कुठल्याही भाविकाला मंदिरात प्रवेश नसणार आहे.
त्यानंतर दुपारी २ वाजेपासून ते सायंकाळी साडेसहा वाजेपर्यंत अशा दुसऱ्या सत्राचं दर्शन सुरू होणार आहे. भाविकांची गर्दी वाढल्यास दर्शनाचा कालावधी वाढणार आहे. दरम्यान, सोमवारीही सर्वसामान्य भाविकांना रामललाचे दर्शन घेता आले नाही.
अभिषेक सोहळ्यानंतर केवळ विशेष पाहुण्यांनाच दर्शन देण्यात आले होते. रामललाच्या पुजाऱ्यांचे प्रशिक्षक आचार्य मिथिलेशनंदिनी शरण यांच्या माहितीनुसार, आता रामललाची अष्टम सेवा २४ तासांत ८ वेळेस केली जाणार आहे. याशिवाय ६ वेळा आरती देखील केली जाणार आहे. आरतीला उपस्थित राहण्यासाठी पास दिले जातील.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
