Sachin Pilgaonkar : थेट घरी जाऊन संजीव कुमार यांनी घेतला सचिन पिळगावकरांचा ऑटोग्राफ, 'तो' VIDEO व्हायरल

मराठी चित्रपटसृष्टीतील दिग्गज अभिनेते सचिन पिळगांवकर कायम आपल्या अभिनय आणि गाण्यासाठी चर्चेत असतात. आजवर त्यांनी अनेक मराठी, हिंदी चित्रपटात काम केले आहे. अभिनयासोबत सचिन पिळगांवकर हे उत्तम दिग्दर्शक देखील आहे. त्यांचे चित्रपट कायम सुपरहिट होतात. नुकत्याच एका मीडिया मुलाखतीत त्यांनी एक किस्सा सांगितला आहे. ज्याचा व्हिडीओ सोशल मीडियावर तुफान व्हायरल होत आहे.

सचिन पिळगांवकर (Sachin Pilgaonkar) यांनी एका मिडिया मुलाखतीत सांगितले की, संजीव कुमार यांनी सचिन पिळगावकर यांचा ऑटोग्राफ घेतला. सचिन पिळगांवकर यांनी मुलाखतीत सांगितल्यानुसार, अभिनेते संजीव कुमार (Sanjeev Kumar ) यांनी 'हा माझा मार्ग एकला' चित्रपट पाहिला. या चित्रपटात सचिन पिळगांवकर यांनी काम केले आहे. चित्रपट पाहिल्यावर संजीव कुमार यांनी सहकाऱ्याला विचारून सचिन पिळगांवकर यांच्या घराचा पत्ता काढला आणि सचिन पिळगांवकर यांच्या घरी संजीव कुमार गेले.

संजीव कुमार सचिन पिळगांवकर यांच्या घरी जाण्यापूर्वी सांताक्रुझमधील स्टेशनरीच्या दुकानात गाडी थांबवून ऑटोग्राफ बुक खरेदी केली. संजीव कुमार म्हणाले, "मी आताच तुझा 'हा माझा मार्ग एकला..' चित्रपट पाहून आलो आहे. मी आतापर्यंत कधीच कोणाचा ऑटोग्राफ घेतलेला नाही. मी आयुष्यातील पहिला ऑटोग्राफ घेऊ इच्छितो. तू मला ऑटोग्राफ दे..." असं म्हणतं संजीव कुमार यांनी सचिन पिळगांवकर यांच्यासमोर ऑटोग्राफ बुक ठेवली. सचिन पिळगांवकर यांनी संजीव कुमार यांना ऑटोग्राफ दिला.

वर्कफ्रंट

सचिन पिळगांवकर यांचा 'हा माझा मार्ग एकला' चित्रपट 1963 साली प्रदर्शित झाला. प्रेक्षकांना हा चित्रपट आजही खूप आवडतो. सचिन पिळगांवकर यांच्या व्हिडीओवर संमिश्र प्रतिक्रिया येत आहेत. काही नेटकरी त्यांना ट्रोल करत आहेत. तर काही चाहत्यांकडून कमेंट्सचा वर्षाव होत आहे.