Salman Khan News : सलमान खानच्या घरावर गोळीबार घडवून आणणाऱ्याच्या मुसक्या आवळणार, पोलिसांनी आखला मोठा प्लान

मुंबई : अभिनेता सलमान खानच्या घरावर गोळीबार घडवून आणण्याचे आरोप असलेल्या गँगस्टर गोल्डी ब्रार विरोधात एनआयएने रोख रक्कम बक्षीस म्हणून जाहीर केली आहे. गँगस्टर गोल्डी ब्रारवर १० लाख रुपयांचं रोख बक्षीस घोषित करण्यात आलं आहे. गँगस्टर गोल्डी ब्रार आणि गोल्डी ढिल्लन यांच्या विरोधात प्रत्येकी दहा लाखांचे बक्षीस एनआयएने जाहीर केलं आहे.

गँगस्टर गोल्डी ब्रार आणि गोल्डी ढिल्लन या आरोपींची माहिती देणाऱ्या व्यक्तीस मिळणार दहा लाख रुपये बक्षीस स्वरुपात मिळणार आहे. हे दोघे खंडणी,हत्या,अपहरण आणि देशविघातक कृत्ये केल्याच्या प्रकरणात दोन्ही आरोपी फरार आहेत.

एनआयएकडून या प्रकरणाचा तपास सुरू आहे. दोन्ही आरोपी फरार आहेत. शोध लागत नसल्यामुळे एनआयएकडून दहा लाखांचं बक्षीस जाहीर करण्यात आले.चंदिगढ येथील व्यावसायिकांकडून खंडणी आणि गोळीबार प्रकरणी रोख रक्कम बक्षीस जाहीर करण्यात आली आहे.