Riteish - Raja Shivaji Collection : 'राजा शिवाजी'च्या गर्जनेनं बॉक्स ऑफिस हादरलं; महिनाभर फक्त रितेश भाऊंचा बोलबाला, चित्रपटाने किती कोटींचा गल्ला जमावला?

रितेश देशमुखचा 'राजा शिवाजी' चित्रपट रिलीज होऊन आता एक महिना झाला आहे. 'राजा शिवाजी' चित्रपट छत्रपती शिवाजी महाराजांच्या आयुष्यावर आधारित आहे. 'राजा शिवाजी' चित्रपट १ मे ला (महाराष्ट्र दिन) ला रिलीज झाला. या चित्रपटाने हिंदीसोबत मराठीतही बाजी मारली आहे. या चित्रपटात रितेश देशमुख मुख्य भूमिकेत झळकला आहे. त्याने छत्रपती शिवाजी महाराजांची भूमिका साकारली आहे. चित्रपटाचे २९ दिवसांचे कलेक्शन जाणून घेऊयात.

'राजा शिवाजी' बॉक्स ऑफिस कलेक्शन दिवस २९

Sacnilk च्या रिपोर्टनुसार, 'राजा शिवाजी' चित्रपटाने २९ व्या दिवशी भारतात ३५ लाख रुपयांची कमाई केली. तर २८ व्या दिवशी ४५ लाख रुपयांचा व्यवसाय केला. २९ दिवसांत चित्रपटाची एकूण भारतातील नेट कमाई १०३.१५ कोटी रुपयांच्यावर पोहचलेली आहे. आता महिन्याच्या अखेरला (वीकेंड- शनिवार, रविवार) ला रितेश भाऊंचा 'राजा शिवाजी' किती कोटींचा गल्ला जमावतो, पाहणे महत्त्वाचे ठरणार आहे.

मीडिया रिपोर्टनुसार, 'राजा शिवाजी' चित्रपट १०० कोटींच्या बजेटमध्ये बनला आहे. या चित्रपटाने आपले बजेट कधीच वसूल केले असून बंपर नफा मिळवला आहे. चित्रपटात महेश मांजरेकर, जिनिलिया देशमुख, अभिषेक बच्चन , सलमान खान असे अनेक कलाकार झळकले आहेत. चित्रपटाच्या गाण्यांना अजय-अतुल यांनी संगीतबद्ध केले आहे. 'राजा शिवाजी' ची अलिकडेच धमाकेदार success पार्टी पार पडली.

मीडिया रिपोर्टनुसार, रितेश देशमुखचा 'राजा शिवाजी' चित्रपट जिओ हॉटस्टारवर या ओटीटी प्लेटफॉर्मवर रिलीज होणार असल्याचे बोले जात आहे. जून महिन्याच्या अखेरीस किंवा जुलैमध्ये चित्रपट ओटीटीवर पाहायला मिळू शकतो असे बोले जात आहे. मात्र अद्याप ओटीटी प्लेटफॉर्म आणि ओटीटी रिलीज डेट याबद्दल कोणतीही अधिकृत घोषणा झाली नाही.