'थामा' आणि 'एक दीवाने की दीवानियत' दोन्ही चित्रपट 21 ऑक्टोबरला थिएटरमध्ये रिलीज झाले आहेत.
'थामा' चित्रपटातून पहिल्यांदाच रश्मिका मंदाना आणि आयुष्मान खुराना यांची जोडी प्रेक्षकांच्या भेटीला आली आहे.
'एक दीवाने की दीवानियत' चित्रपटात 'सनम तेरी कसम' फेम हर्षवर्धन राणे झळकला आहे.
रश्मिका मंदानाचा (Rashmika Mandanna) 'थामा' (Thamma) आणि हर्षवर्धन राणेचा (Harshvardhan Rane) 'एक दीवाने की दीवानियत' (Ek Deewane ki Deewaniyat) चित्रपट 21 ऑक्टोबरला थिएटरमध्ये रिलीज झाला आहे. हे दोन्ही चित्रपट एकमेकांना टक्कर देताना दिसत आहे. चित्रपट रिलीज होऊन तीन दिवस पूर्ण झाले आहेत. चित्रपटाने तिसऱ्या दिवशी म्हणजे गुरुवारी किती कोटींची कमाई (Box Office Collection) केली जाणून घेऊयात. भाऊबीजेला 'थामा' की 'एक दीवाने की दीवानियत' कोणी बाजी मारली जाणून घ्या.
'थामा' चित्रपटाने सॅकनिल्कच्या रिपोर्टनुसार, तिसऱ्या दिवशी म्हणजे गुरुवारी 12.50 कोटी रुपये कमावले आहेत. चित्रपटाने तीन दिवसांत 50 कोटींच्या वर कमाई केली आहे. 'थामा' ने पहिल्या दिवशी 24 कोटी रुपये आणि दुसऱ्या दिवशी 18.6 कोटी रुपये कमावले आहेत. चित्रपटाचे एकूण कलेक्शन 55.10 कोटी रुपये झाले आहे.
'एक दिवाने की दिवानियत' चित्रपटाने सॅकनिल्कच्या रिपोर्टनुसार, तिसऱ्या दिवशी म्हणजे गुरुवारी 6 कोटींची कमाई केली आहे. चित्रपटाने पहिल्या दिवशी 9 कोटी आणि दुसऱ्या दिवशी 7.5 कोटी रुपये कमावले आहे. चित्रपटाचे तीन दिवसांचे एकूण कलेक्शन 22.75 कोटी रुपये झाले आहे. 'एक दिवाने की दिवानियत' लवकरच 50 कोटींचा गल्ला जमावेल.
'थामा' चित्रपटातून पहिल्यांदाच रश्मिका मंदाना आणि आयुष्मान खुराना (Ayushmann Khurrana) यांची जोडी प्रेक्षकांच्या भेटीला आली आहे. 'थामा' हा हॉरर-कॉमेडी- लव्ह स्टोरी चित्रपट आहे. 'थामा' चित्रपटाचे दिग्दर्शन आदित्य सरपोतदार यांनी केले आहे. या चित्रपटात रश्मिका, आयुष्मानसोबत नवाजुद्दीन सिद्दीकी सप्तमी गौड़ा, डायना पेंटी, वरुण धवन, संजय दत्त, अपारशक्ती खुराणा असे अनेक कलाकार आहेत.
'एक दीवाने की दीवानियत' चित्रपटात 'सनम तेरी कसम' फेम हर्षवर्धन राणे झळकला आहे. त्याच्या सोबत चित्रपटात मुख्य अभिनेत्री सोनम बाजवा आहे. 'एक दीवाने की दीवानियत' हा म्युजिकल रोमँटिक चित्रपट आहे. या चित्रपटातील गाणी सोशल मीडियावर खूप गाजत आहे. 'एक दीवाने की दीवानियत' चित्रपटाचे दिग्दर्शन मिलाप जावेरी यांनी केले आहे. मीडिया रिपोर्टनुसार, 'एक दीवाने की दीवानियत' चित्रपटाचे बजेट 25-30 कोटी रुपये आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.