Rashmika-Vijay Wedding : रश्मिका-विजयची लग्नपत्रिका आली समोर; हैदराबादमध्ये पार पडणार शाही विवाह सोहळा, रिसेप्शन कुठे अन् कधी?

साऊथ आणि बॉलिवूड इंडस्ट्री गाजवणारी रश्मिका मंदाना लवकरच लग्न बंधनात अडकणार आहे. गेल्या खूप वेळापासून रश्मिका मंदाना आणि विजय देवरकोंडा यांच्या लग्नाची चर्चा सोशल मीडियावर पाहायला मिळत आहे. हे इंडस्ट्रीतील एक क्युट कपल आहे. अनेक वर्ष एकमेकांना डेट केल्यानंतर दोघे आता लग्नाच्या पवित्र बंधनात अडकणार आहे. काही दिवसांपासून त्यांच्या लग्नाच्या तारखेबद्दल चर्चा रंगली होती. आता मात्र याचा खुलासा झाला आहे. रश्मिका मंदाना आणि विजय देवरकोंडा यांच्या लग्नाची पत्रिका समोर आली आहे.

रश्मिका मंदाना आणि विजय देवरकोंडाची लग्नपत्रिका फिल्मफेअरने सोशल मीडियावर शेअर केली आहे. पत्रिकेवर विजय देवरकोंडाचे नाव दिसत आहे. ही पत्रिका विजयकडून लग्नाच्या आमंत्रणासाठी देण्यात आल्याचे पाहायला मिळत आहे. लगीन घटिका समीप अली असली तरी अजून रश्मिका मंदाना आणि विजय देवरकोंडाने आपल्या नात्यावर, लग्नावर कोणतेही भाष्य किंवा अधिकृत माहिती दिली नाही.

रश्मिका - विजयच्या लग्नाची तारीख काय?

व्हायरल होणाऱ्या लग्नपत्रिकेत म्हटल्याप्रमाणे रश्मिका मंदाना आणि विजय देवरकोंडा 26 फेब्रुवारी 2026 ला लग्न बंधात अडकणार आहे. तर लग्नाचे रिसेप्शन 4 मार्चला थाटामाटात पार पडणार आहे. लग्न सोहळा आणि रिसेप्शन दोन्ही हैदराबादमध्ये होणार आहे. चाहते या ग्रँड वेडिंगची उत्सुकतेने वाट पाहत आहेत.

रश्मिका मंदाना आणि विजय देवरकोंडा यांनी 2018 ला रिलीज झालेल्या गीता गोविंदम चित्रपटात काम केले आहे. तसेच त्यांचा 2019 साली रिलीज झालेला डियर कॉमरेड चित्रपटही खूप गाजला. चाहत्यांना या दोघांना पुन्हा एकदा चित्रपटात पाहायचे आहे. रश्मिका मंदाना आणि विजय देवराकोंडा यांनी ऑक्टोबर 2025 मध्ये हैदराबादमध्ये साखरपुडा उरकला. जवळचे मित्र आणि कुटुंबाच्या उपस्थितीत साखरपुडा पार पडला. चाहत्यांना त्यांची केमिस्ट्री खूप आवडली.