Animal Release Date Postponed: ‘सनी देओलशी पंगा नकोच’, ‘ॲनिमल’च्या प्रदर्शनाची तारीख पुढे ढकलली, रिलीज होणार ‘या’ तारखेला

Ranbir- Rashmika Animal Release Postponed: संदीप वांगा दिग्दर्शित ‘ॲनिमल’ चित्रपटाची सध्या सोशल मीडियावर तुफान चर्चा होत आहे. रणबीर कपूर आणि रश्मिका मंदाना मुख्य भूमिकेत असलेला हा चित्रपट येत्या ११ ऑगस्टला प्रदर्शित होणार होता. पण निर्मात्यांनी काही कारणास्तव चित्रपटाच्या प्रदर्शनाच्या तारखेत बदल केलाय. हा चित्रपट या वर्षाच्या अखेरीस प्रदर्शित होणार आहे.

या बिग बजेट चित्रपटाचा टीझर प्रदर्शित झाल्यापासून चित्रपटाची चर्चा होत आहे. हा चित्रपट येत्या १ डिसेंबरला प्रदर्शित होणार आहे. या विषयीची माहिती फिल्म ॲनालिस्ट आणि चित्रपट समीक्षक तरण आदर्श यांनी दिली आहे. ‘ॲनिमल’ (Animal) चित्रपट हा रणबीर कपूर (Ranbir Kapoor)आणि रश्मिका मंदानाचा (Rashmika Mandanna) बिग बजेट सिनेमा आहे.

या बिगबजेट चित्रपटाची प्रदर्शनाची तारीख निर्मात्यांनी बदली केल्यामुळे सध्या चाहते बरेच निराश झाले आहेत. या चित्रपटाचे दिग्दर्शन संदीप रेड्डी वांगा (Sandeep Reddy Vanga) यांनी या केले आहे. हा बहुचर्चित सिनेमा ११ ऑगस्टला थिएटरमध्ये प्रदर्शित होणार होता. पण आता या चित्रपटाच्या प्रदर्शनाची डेट पुढे ढकलली आहे.

अद्याप या चित्रपटाच्या पोस्ट प्रोडक्शनचं काम पूर्ण न झाल्याने निर्मात्यांनी प्रदर्शनाची तारीख पुढे ढकलली आहे. तसेच या चित्रपटातील काही शूटिंगदेखील बाकी असल्याने निर्मात्यांनी हा निर्णय घेतला आहे. ११ ऑगस्टला रणबीरच्या ‘ॲनिमल’सहित सनी देओलचा ‘गदर २’ आणि अक्षय कुमारचा ‘ओएमजी २’ हे चित्रपट बॉक्स ऑफिसवर एकत्र प्रदर्शित होणार होते. पण ‘गदर २’, ‘ओएमजी २’ आणि ‘ॲनिमल’ हे चित्रपट बॉक्स ऑफिसवर एकत्र क्लॅश होणार होते. त्यामुळे रणबीरने त्यांच्या सिनेमाची रिलीज डेटही पुढे ढकलली असल्याचा अंदाज वर्तवला जात आहे.

‘ॲनिमल’ हा चित्रपट आता १ डिसेंबर २०२३ रोजी थिएटरमध्ये प्रदर्शित होणार आहे. चित्रपटात मुख्य भूमिकेत रणबीर कपूरसह बॉबी देओल, रश्मिका मंदाना आणि अनिल कपूर अशा दमदार कलाकारांची फळी या चित्रपटात झळकणार आहे. चित्रपटात प्रेक्षकांना ॲक्शनचा तडका देखील पाहायला मिळणार आहे.

काही दिवसांपूर्वी सोशल मीडियावर रणबीरचा लूक पाहता, त्याने आतापर्यंत साकारलेल्या भूमिकेपेक्षा ही फार वेगळी भूमिका असल्याचे दिसतंय. भूषण कुमार आणि कृष्ण कुमार यांच्या टी-सिरीज, मुराद खेतानी यांचा सिने1 स्टुडिओ आणि प्रणय रेड्डी वंगा यांच्या भद्रकाली पिक्चर्स यांनी ‘ॲनिमल’ची निर्मिती केली आहे.