Raju Kalakar : सोनू निगमच्या गाण्यामुळे रातोरात बनला स्टार, कोण आहे राजू कलाकार?

सध्या सोशल मीडिया 'दिल पे चलाई छुरिया' गाण्याची क्रेझ पाहायला मिळत आहे. सोनू निगमचे हे गाणे एका व्यक्तीने गाऊन तो रातोरात स्टार बनला आहे. त्याच्या गाण्याने सोशल मिडिया धुमाकूळ घातला आहे. राजू कलाकर (Raju Kalakar ) नावाच्या एका व्यक्तीने दगडाचे दोन तुटलेले तुकडे वाजवून हे भन्नाट गाणे गायले आहे. हे गाणे सोशल मिडिया तुफान व्हायरल होत आहे.

राजू कलाकरच्या गाण्याचा व्हिडीओ व्हायरल झाल्यानंतर प्रसिद्ध गायक सोनू निगमने (Sonu Nigam) त्याची भेट घेतली आणि त्याचा सोबत एक व्हिडीओ शेअर केला आहे. यामुळे राजू कलाकरच्या प्रसिद्धीत भर पडली आहे. राजू कलाकर आणि सोनू निगम 'दिल पे चलाई छुरिया' (Dil Pe Chalai Churiya) हे गाणे व्हिडीओत एकत्र गाताना दिसत आहेत. राजूने दोन दगड एकमेकांवर वाजवून सुरेल धून तयार केली यावर सोनू निगम आपल्या जादुई आवाजात गाणे गायले आहे. त्याचा हा व्हिडीओ सोशल मिडिया खूप व्हायरल झाला.

राजू कलाकरच्या गाण्यावर आणि सोनू निगमसोबतच्या व्हिडीओवर चाहत्यांकडून कमेंट्सचा वर्षाव होत आहे. प्रेक्षक राजू कलाकरच्या कलेचे कौतुक करताना दिसत आहेत. व्हिडीओत दोघेही एकमेकांना मिठी मारताना दिसत आहे. 'दिल पे चलाई छुरिया' हा गाणे 1995मध्ये रिलीज झालेल्या 'सनम बेवफा' या चित्रपटातील आहे.

राजू कलाकार कोण ?

सोनू निगमसोबत गाणे गाऊन प्रसिद्ध झालेल्या व्यक्तीला सोशल मिडिया राजू कलाकार या नावाने ओळखले जाते. मात्र त्याचे खरे नाव राजू भट्ट असे आहे. तो राजस्थानचा असून गुजरात येथे राहतो.