'बिग बॉस मराठी 5' (Bigg Boss Marathi) पर्व खूप गाजत आहे. सर्वत्र या पर्वाची चर्चा होताना पाहायला मिळत आहे. आता घरात सात स्पर्धक उरले आहेत. वर्षा ताई, निक्की, जान्हवी, सूरज, धनंजय दादा, अभिजीत आणि अंकिता या स्पर्धकांपैकी कोण बिग बॉसची ट्रॉफी उचलणार याकडे प्रेक्षकांचे लक्ष लागून आहे.
निक्कीने हे संपूर्ण पर्व गाजवल आहे. तिने आपल्या गेमने प्रेक्षकांचे मनोरंजन केलं आहे. निक्की आणि अरबाजच्या जोडीनं बिग बॉस मराठीच्या घरात धुमाकूळ घातला आहे. निक्की (Nikki Tamboli) पहिल्या दिवसापासून घरातील अनेक सदस्यांशी भांडताना पाहायला मिळत आहे. मात्र निक्कीला 'तिकीट टू फिनाले' मिळाले आहे. बिग बॉसच्या घरातील ती पहिली सदस्य आहे जी फिनालेला पोहचली आहे. नुकताच घरात ग्रँड सेलिब्रेशन पार पडल आहे. त्यानंतर निक्की घरात स्वतः च्या वागण्याविषयी बोलताना दिसत आहे.
'बिग बॉस मराठी'चा नवीन एक व्हिडीओ समोर आला आहे. ज्यात निक्की स्वतःशी संवाद साधत आहे. तुम्ही पाहू शकता की निक्की एकटीच बोलत आहे की, "कपटीपणा एक असतो, नालायकपणा एक असतो, कुचकट या सर्व क्लालिटी नाही आहेत माझ्यात. मी नाही आहे अशी. हार्टपासून माझ्या हृदयापासून मी खूप प्युअर आहे. हो मी मानते की, मी खूप चुकीची वागली आहे. या घरात लोकांची मन दुखावलीत मी. पण मला ही तेवढाच त्रास झाला आहे. "
'बिग बॉस मराठी 5' ग्रँड फिनाले 6 ऑक्टोबरला पार पडणार आहे. 'बिग बॉस मराठी' या पर्वाचा विजेता कोण होणार हे पाहण्यासाठी प्रेक्षक आतुर झाले आहेत. तसेच आता बिग बॉसच्या घरातील कोण बाहेर जाणार आणि कोणाला 'तिकीट टू फिनाले' मिळणार हे जाणून घेणे मनोरंजक ठरणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.