Bigg Boss Marathi : "जिथं Loyalty तिथं निक्की..." ग्रँड सेलिब्रेशननंतर निक्की-अभिजीतमध्ये रंगली चर्चा

'बिग बॉस मराठी' च्या (Bigg Boss Marathi) घरात नुकतेच ग्रँड सेलिब्रेशन पार पडले आहे. आपला आजवरचा प्रवास पाहून सर्वांचे डोळे पाणावले आहेत. ग्रँड सेलिब्रेशननंतर जान्हवी किल्लेकर आपल्याला भावुक झालेली पाहायला मिळाली. ती येऊन अभिजीतला मिठी मारते. तर दुसरीकडे निक्की आणि अभिजीतमध्ये ग्रँड सेलिब्रेशनंतर चांगलीच चर्चा रंगलेली.

ग्रँड सेलिब्रेशननंतर निक्की आणि अभिजीत यांच्यात चर्चा रंगताना पाहायला मिळत आहे. "आपल्या मोठ्या नावाचा इतरांनी वापर केला" असे म्हणताना दिसत आहे. व्हिडीओमध्ये तुम्ही पाहू शकता निक्की अभिजीतला (Abhijeet sawant) म्हणते की, "जिथे प्रामाणिकपणा असेल तिथे निक्की तांबोळी असं वाक्य माझ्यासाठी वापरण्यात आले. कारण मी माझ्या ग्रुपसोबत आधीपासूनच निष्ठावान राहिले. मी घनःश्यामसाठी, जान्हवीसाठी माझ्या ग्रुपचे जे सुरुवातीपासून माझ्याबरोबर होते. त्यांच्यासोबत निष्ठावान होते. मला हे सर्व चक्रव्ह्यूमध्ये दाखवण्यात आले."

निक्की (Nikki Tamboli ) पुढे अभिजीतला म्हणते की, "अंकिता, डीपी हे सर्व ग्रुप करुन मला बोलायचे. पहिल्या दिवसापासून तुझ्या आणि माझ्याविरुद्ध सगळं घर होतं. ग्रुप हा फक्त दिखाव्यासाठी होता. आपली नावं मोठी आहेत म्हणून आपला वापर करून घेतला. त्यावर अभिजीत म्हणतो की, अशीच 'टीम बी' देखील आहे."

बिग बॉस मराठीचा हा शेवटचा आठवडा खूप गाजत आहे. अनेक कलाकारांनी घरात येऊन स्पर्धकांशी संवाद साधला आणि त्यांना सरप्राईज देखील दिलं. आता बिग बॉस मराठी' च्या घरातून कोण बाहेर जाणार आणि बिग बॉस मराठीची ट्रॉफी कोण उचलणार याकडे सर्वांचे लक्ष लागून आहे.