Naagin 7 Video : शत्रूंचा नाश करायला येतेय 'नागिन'; बिग बॉसमधील २ स्पर्धकांची वर्णी, वेळ अन् तारीख काय?

अखेर प्रतिक्षा संपली. 'नागिन 7'ची (Naagin 7) रिलीज डेट समोर आली आहे. ज्यामुळे चाहते शो पाहण्यासाठी खूपच उत्सुक आहेत. सलमान खानच्या 'बिग बॉस 19'च्या 'वीकेंड का वार'मध्ये एकता कपूरने 'नागिन 'चा चेहरा दाखवला आहे.'नागिन 7'ची मुख्य हिरोईन दुसरी-तिसरी कोणी नसून प्रियंका चाहर चौधरी (Priyanka chahar Choudhary) आहे. नुकताच 'नागिन 7' चा नवीन प्रोमो समोर आला आहे. ज्यात इतर कलाकारांचे चेहरे पाहायला मिळत आहेत.

प्रोमोची सुरुवातीला करण कुंद्राची झलक पाहायला मिळतो. तो कोणत्या तरी संकटाबद्दल बोलताना दिसत आहे. तर दुसरीकडे ईशा सिंह आणि प्रियंका चाहर चौधरी नाग मंदिराबाहेर उभे राहून बोलताना दिसत आहेत. ईशा प्रियंकाला सांगते, "हे नाग मंदिर आहे. असे म्हटले जाते की, इच्छा पूर्ण करणारे नाग आणि नाग येथे भेटतात." त्यानंतर प्रियंका नागात रूपांतरित होताना दिसते. 'नागिन' आपल्या शत्रूंना हरवण्यासाठी तयार आहे. या सीझनमध्ये 'नागिन' चा सामना ड्रॅगनसोबत होताना दिसणार आहे.

'नागिन 7' कधी सुरू होणार?

'नागिन 7' च्या व्हिडीओला हटके कॅप्शन देण्यात आले आहे. कॅप्शनमध्ये लिहिलं की, "आपका हुकूम सारखों पर! तैयार हो जाइये देखना नागिन की नई दास्तान!"'नागिन 7' हा शो 27 डिसेंबरपासून सुरू होत आहे. ही धमाकेदार कहाणी शनिवार- रविवार रात्री 8 वाजता कलर्स टिव्ही आणि जिओ हॉटस्टार पाहता येईल.

'नागिन 7' हा एकता कपूरचा शो आहे. आजवर नागिनच्या भूमिकेत अनेक प्रसिद्ध अभिनेत्री झळकल्या आहेत. यात मौनी रॉय, सुरभि ज्योति, अनिता हसनंदानी, निया शर्मा, जैस्मिन भसीन, सुरभि चंदना आणि तेजस्वी प्रकाश यांचा समावेश आहे. प्रियंका चाहर ही टिव्हीची प्रसिद्ध अभिनेत्री आहे.करण कुंद्रा, प्रियंका , ईशा सिंह हे सर्व बिग बॉसचे सदस्य आहेत.