'बिग बॉस मराठी 5' चा (Bigg Boss Marathi) ग्रँड फिनाले खूप गाजला. गुलीगत सूरजने विजेते पदाचा मान मिळवला आहे. तर अभिजीत सावंत उपविजेता ठरला आहे. सूरज जिंकल्यामुळे जसा अनेकांना आनंद झाला. तसाच काहींनी यावर आपली नाराजी व्यक्त केली आहे. यामध्ये प्रेक्षकांसोबत कलाकारांचा देखील समावेश आहे.
मराठी अभिनेत्री मितालीने सोशल मीडियावर एक स्टोरी टाकली होती. जी सध्या खूप व्हायरल होत आहे. मात्र ती स्टोरी मितालीने आपल्या सोशल मीडिया अकाऊंटवरून डिलिट केली आहे. ही स्टोरी म्हणजे बिग बॉस मराठी 5 विजेता सूरज चव्हाणला (Suraj Chavan) डायरेक्ट टोला आहे. तिनं सूरजच्या बिग बॉस जिंकण्यावर थेट प्रश्न निर्माण केला आहे.
मिताली इंस्टाग्रामवर स्टोरी शेअर करत म्हणाली की, 'हा रिॲलिटी शो की सिंपथी शो?' आणि त्यापुढे तिने ईमोजी टाकले आहेत. सूरजला विजेता बनवून बिग बॉसने त्याच्यावर दया केली आहे. असे तिचे एकंदर म्हणणे असल्याचे पाहायला मिळत आहे.
मराठी सिनेसृष्टीतील मिताली (Mitali Mayekar) ही लोकप्रिय अभिनेत्री आहे. आपल्या अभिनयाने प्रेक्षकांच्या मनावर राज्य करणाऱ्या सिद्धांत चांदेकरची ती बायको आहे. मिताली नेहमीच सोशल मीडियावर सक्रिय असते. तिच्या लूकचे आणि ट्रीपचे फोटो नेहमीच ती शेअर करत राहते. तसेच आपली मते देखील ती सोशल मीडियाच्या माध्यमातून व्यक्त करते. असेच मत तिने सूरज बिग बॉसचा विजेता झाल्यावर व्यक्त केले.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.