Miss Universe 2022: हरनाज कौर सिंधूच्या ड्रेसची जगभर चर्चा, या दोन अभिनेत्रींचे छापले होते फोटो

Harnaaz Kaur Sandhu's Tribute To Sushmita Sen -Lara Dutta: अमेरिकेच्या आर बोनी ग्रॅब्रियलला मिस युनिव्हर्स २०२२ होण्याचा बहुमान मिळाला आहे. मिस युनिव्हर्सचा मुकुट तिला प्रदान करण्यासाठी माजी मिस युनिव्हर्स कार्यक्रमाला उपस्थित राहिली होती. हरनाज कौर सिंधूने सर्वांना अभिवादन करताच तिच्यावर टाळ्यांचा वर्षाव झाला हे पाहून ती खूप भावुक झाली होती. परंतु या सगळ्यात तिच्या ड्रेसने सगळ्यांचे लक्ष वेधून घेतले. तिचा ड्रेस खूप युनिक होता.

माजी मिस युनिव्हर्स हरनाजच्या ड्रेसवर दोन खास महिलांचा फोटो होता. ते फोटो पाहून सगळ्यांच्या नजरा तिच्या ड्रेसकडे वळल्या होत्या. हरनाजच्या स्पेशल दोन महिलांना यानिमित्त ट्रिब्यूट दिले. या दोन महिलांनी यापूर्वी भारतचे जगात उंचावले आहे.

आता तुम्हाला प्रश्न पडला असेल की या दोन महिला आहेत तरी कोण? हरनाजच्या ड्रेस वर एका बाजूला होती मिस युनिव्हर्स १९९४ सुष्मिता सेन आणि दुसऱ्या बाजूला होती मिस युनिव्हर्स २००० लारा दत्ता. (Actress)

हरनाजने तिच्या ड्रेस माध्यमातून या दोघींना ट्रिब्यूट दिला असे म्हटले तर काही वावगं ठरणार नाही. तिच्या या ड्रेसने सर्वांचे मन जिंकले आहे. ट्विटरवर सुद्धा अनेकजण तिच्या या ड्रेसचे कौतुक करत आहेत. अनेकांचे म्हणणे आहे की, आंतराष्ट्रीय स्तरावर होणाऱ्या या कार्यक्रमाला जाण्यासाठी यापेक्षा उत्तम ड्रेस असूच शकत नाही.

हरनाजने मिस युनिव्हर्स २०२२च्या अंतिम सोहळ्यासाठी घातलेल्या लूकविषयी बोलायचे झाले तर तिने काळ्या रंगाचा गाऊन घातला होता. हेवी फ्लो मटेरियलपासून तिचा हा गाऊन बनविण्यात आला होता. हरनाजचे केस मोकळे आहे वेव्ही होते. तसेच हरनाजने स्मोकी आणि ब्रॉन्ज मेकअप केला होता. हरनाजचा ड्रेस साई शिंदेने डिझाईन केला होता.