Kranti Redkar: अभिनेत्री क्रांती रेडकरच्या घरी चोरी, क्रांतीला नेमका कुणावर आहे संशय?

संजय गडदे

Kranti Redkar: अभिनेत्री क्रांती रेडकर हिच्या घरी चोरी झाल्याचे प्रकरणं नुकतेच उघडकीस आले आहे. घरात काम करणाऱ्या मोलकरनीने ही चोरी केली असल्याचा आरोप क्रांती रेडकर हीने केला आहे. घरातील मौल्यवान असे साडेचार लाख रुपये किमतीचे घड्याळं चोरी झाल्याची तक्रार क्रांतीने नुकतीच गोरेगाव पोलीस ठाण्यात दिली आहे. त्यांनतर गोरेगाव पोलिसांनी गुन्हा नोंद केला असून यासंदर्भात अधिकचा तपास करत आहेत.

पोलिसांनी दिलेल्या माहितीनुसार क्रांती रेडकर यांच्या घरात काम करणाऱ्या महिलेची नेमणूक एका एजन्सी मार्फत करण्यात आली होती, मात्र काही दिवस काम केल्यानंतर घरात कोणी नसताना ही चोरी केली आहे. त्यानंतर सदर महिला फरार झाली असून आता गोरेगाव पोलीस त्या महिलेला नोकरीवर ठेवलेल्या एजन्सीचा व महिलेचा देखील तपास करत आहेत.