Prajakta Deshmukh: गेल्या अनेक दिवसांपासून राज्यात गाड्यांच्या अपघाताचे सत्र सुरुच आहेत. अनेकदा सिटबेल्ट न लावल्यामुळे तर कित्येकदा गाडीचा स्पीड जास्त असल्याने गाड्यांचा अपघात होत आहे. सोबतच हायवेवर अनेक गाड्या बेशिस्तपणे चालवत असल्याने याचा फटका सामान्य नागरिकांप्रमाणे सेलिब्रिटी मंडळींनाही बसत आहे. आज सकाळी मराठी चित्रपट संवादलेखक प्राजक्त देशमुखने ट्वीट करत आपल्या गाडीला अपघात झाल्याची माहिती दिली आहे.
नेहमीच दिग्दर्शक आणि लेखक प्राजक्त देशमुख सोशल मीडियावर सक्रिय असतो. आपल्या चाहत्यांसोबत अनेकदा प्राजक्त देशमुख नाटकासंबंधीत माहिती शेअर करत असतो. सकाळीच प्राजक्तने आपल्या गाडीला अपघात झाल्याची बातमी शेअर केली आहे. प्राजक्तच्या गाडीला अपघात झाला असून तो सुखरुप बचावला असल्याचे त्याने सोशल मीडियाच्या माध्यमातून आपल्या चाहत्यांना सांगितले आहे.
ट्वीट करत प्राजक्त देशमुख म्हणतो, "नाशिक मुंबई हायवे वरुन धावणारे अवजड वाहने बेशिस्तीने चालतात. भिवंडी फाट्या अलिकडे एका ट्रकने सिमेंटचा डिवायडर ब्लॅाक उडवला आणि तो माझ्या गाडीवर आदळला. थोडक्यात बचावलो. मी सुखरुप आहे. परंतू या हायवेला कुणी वाली आहे का? की केवळ स्पिडगन लावत दंडाच्या पावत्या ठोकणे इतकंच यांचं काम?" या अपघातानंतर पुन्हा एकदा रोड सेफ्टीचा गहन मुद्दा चर्चेत आला आहे.
गेल्या वर्षी अनेक दिग्गज मंडळींना रोड सेफ्टीमुळे आपला जीव गमवावा लागला होता. सोबतच अनेक सामान्य नागरिकांनाही अवजड वाहनांमुळे आपला जीव गमवावा लागतो. बेशिस्त पद्धतीने गाडी चालवणाऱ्या वाहन चालकांवर आता तरी चाप बसेल का हे पाहणं महत्वाचं आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.