येत्या २८ जुलैपासून 'बिग बॉस मराठी ५' हा टीव्ही रिॲलिटी शो सुरू होत आहे. गेल्या अनेक दिवसांपासून 'बिग बॉस मराठी ५'मध्ये कोण कोणते कलाकार दिसणार? याची चर्चा सोशल मीडियावर होत आहे. अशातच बिग बॉस मराठीबद्दल अपडेट देणाऱ्या एका इन्स्टा पेजने एका स्पर्धकाचे नावाची माहिती दिली आहे.
'बिग बॉस मराठी ५'ने दिलेल्या माहितीनुसार, 'बिग बॉस मराठी ५'मध्ये अभिनेत्री वर्षा उसगांवकर दिसणार अशी चर्चा सुरू आहे. वर्षा उसगांवकर नुकत्याच स्टार प्रवाहवरील 'सुख म्हणजे नक्की काय असतं' या शोमधून बाहेर पडल्या आहेत. या मालिकेमध्ये त्यांनी माईचं पात्र साकारलं होतं. मालिका सुरू झाल्यापासून वर्षा उसगांवकर ह्याच प्रमुख भूमिका साकारत होत्या. आता खरोखरंच वर्षा उसगांवकर 'बिग बॉस मराठी ५'मध्ये स्पर्धक म्हणून दिसणार का ? याचं उत्तर आपल्याला लवकरच कळेल.
'बिग बॉस मराठी ५'मध्ये अंकिता प्रभु वालावलकर, विवेक सांगळे, जान्हवी किलेकर, चेतन वढनेरे आणि हार्दिक जोशी हे स्पर्धक दिसण्याची शक्यता आहे. या सीझनचे होस्टिंग अभिनेता रितेश देशमुख करणार आहे. यंदाच्या सीझनमध्ये कोणकोणते स्पर्धक दिसणार याचे उत्तर प्रेक्षकांना २८ जुलैला मिळणार आहे. 'बिग बॉस मराठी ५'चा दिमाखदार प्रीमियर २८ जुलैला रात्री ९:३० वाजता पार पडणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.