Rutuja Bagwe : ऋतुजा बागवेची नवी इनिंग! सुरू केलं स्वत:चं रेस्टॉरंट, लोकेशन काय?

मराठी कलाविश्वातून एक आनंदाची बातमी समोर आली आहे. मराठमोळी अभिनेत्री आता बिझनेसवुमन झाली आहे. ही अभिनेत्री दुसरी-तिसरी कोणी नसून ऋतुजा बागवे (Rutuja Bagwe) आहे. ऋतुजा नुकतेच स्वत:चं नवीन रेस्टॉरंट सुरू केलं आहे. सोशल मीडियावर खास पोस्ट करून तिने ही माहिती चाहत्यांना दिली आहे.

ऋतुजा बागवेच्या नवीन रेस्टॉरंटचे उद्घाटन मराठमोळा अभिनेता सुबोध भावे यांचा हातून करण्यात आले. ऋतुजा बागवेने सोशल मीडियावर एक रेस्टॉरंटच्या उद्घाटन सोहळ्याचा व्हिडीओ शेअर केला आहे. तर एक रेस्टॉरंटसोबत सुंदर फोटो टाकला आहे. या फोटोला तिने खास कॅप्शन देखील दिले आहे. तिने लिहिलं आहे की, "तुम्हा सर्वांच्या प्रेमावर विश्वास ठेवून, माझ्या माणसांना घेऊन, नव्या व्यवसायात पुढचं पाऊल टाकतेय…नक्की भेट द्या..! आम्ही आदरातिथ्यासाठी वाट पाहतोय."

ऋतुजाच्या या नवीन इनिंग पाहून चाहते आणि मित्रमंडळी तिचे कौतुक करत आहे आणि नवीन व्यवसायासाठी शुभेच्छा देत आहेत. ऋतुजाच्या नवीन कोऱ्या रेस्टॉरंटचे नाव 'फूडचं पाऊल' (Foodch Paool) असे आहे. हे व्हेज- नॉनव्हेज रेस्टॅारंट आहे. ऋतुजाचे नवीन रेस्टॅारंट मखवाना रोड, मरोळ, अंधेरी पूर्व येथे आहे.

ऋतुजा वर्कफ्रंट

ऋतुजाने रेस्टॉरंटच्या उद्घाटन सोहळ्याला पारंपरिक लूक केला होता. गुलाबी रंगाची सुंदर साडी तिने नेसली होती. मॅचिंग ज्वेलरी आणि केसात गुलाबाची फुल माळून तिने हा लूक पूर्ण केला होता. ऋतुजाने आजवर अनेक मालिकांमध्ये प्रेक्षकांचे मनोरंजन केले आहे. तिच्या अभिनयाचे लाखो चाहते दिवाने आहेत. ऋतुजाची 'नांदा सौख्यभरे' ही मराठी मालिका खूप गाजली. तिने नाटक, चित्रपट, मालिका आणि सीरिजमधून स्वतःची वेगळी ओळख निर्माण केली आहे.