Siddharth Chandekar : सिद्धार्थ चांदेकरची आई झाली बिझनेसवुमन; पुण्यात नवीन दुकान उघडलं, पाहा PHOTOS

मराठी अभिनेता सिद्धार्थ चांदेकर (Siddharth Chandekar) कायम कोणत्या ना कोणत्या कारणामुळे चर्चेत असतो. आजवर त्याने अनेक हिट चित्रपट केले आहेत. त्याच्या अभिनयाचे चाहते दिवाने आहेत. अलिकडेच त्याचा 'फसक्लास दाभाडे' या चित्रपटाने बॉक्स ऑफिसवर धुमाकूळ घातला आहे. या चित्रपटाला प्रेक्षकांकडून खूप चांगला प्रतिसाद मिळाला. आता सिद्धार्थ एका वेगळ्या कारणामुळे चर्चेत आला आहे.

सिद्धार्थ चांदेकरने इन्स्टाग्रामवर एक पोस्ट शेअर करून चाहत्यांना आनंदाची बातमी दिली आहे. या पोस्टनं सर्वांचे लक्ष वेधून घेतले आहे. सिद्धार्थने त्याच्या आईला पाठिंबा देणारी एक पोस्ट शेअर केली आहे. सिद्धार्थच्या आई सीमा चांदेकर (seema chandekar) या अनेक वेळा त्याच्या वैयक्तिक आयुष्यामुळे चर्चेत असतात. आता त्यांनी आपल्या आयुष्याच्या नवीन प्रवासाला सुरूवात केली आहे. सिद्धार्थ चांदेकरची आई सीमा चांदेकर यांनी नवीन व्यवसाय सुरू केला आहे. याची पोस्ट सिद्धार्थने चाहत्यांसोबत शेअर केली आहे.

सिद्धार्थच्या आईने पुण्यात फूड्सचा बिझनेस सुरू केला आहे. सर्व प्रकारचे घरगुती पदार्थ या दुकानत मिळणार आहेत. या दुकानाचे नाव 'सीमा फूड्स' असे ठेवण्यात आले आहे. सिद्धार्थच्या पोस्टमधून दुकानाची पहिली झलक पाहायला मिळत आहे. सिद्धार्थने आईचा दुकानातला एक सुंदर फोटो शेअर करून त्याला हटके कॅप्शन दिले आहे. त्याने लिहिलं की, "नवीन बिजनेस! नवीन इनिंग! आई मला तुझा खूप अभिमान आहे. पुण्यात आरण्येश्वर चौकात माझ्या आईचं नवं दुकान! सर्व घरगुती गोष्टी...जरूर भेट द्या..."

सिद्धार्थ चांदेकरच्या या पोस्टवर चाहते आणि कलाकारांनी कमेंट्सचा वर्षाव करून सिद्धार्थच्या आईचे कौतुक आणि त्यांना नवीन व्यवसायासाठी शुभेच्छा दिल्या आहेत. सिद्धार्थ चांदेकर कायम आईला पाठिंबा देताना दिसतो.