Santosh Juvekar Post : संतोष जुवेकरचा फोटो थेट हेअर सलूनच्या बोर्डावर, अभिनेत्याने सांगितला बालपणीचा 'तो' किस्सा

Santosh Juvekar Post

अभिनेता संतोष जुवेकर सोशल मीडियावर नेहमीच काहीतरी भन्नाट पोस्ट करत असतो. 'स्ट्रगलर साला' या वेबसीरीजच्या माध्यमातून संतोष जुवेकर कायमच चर्चेत राहण्याचा प्रयत्न करतो. नेहमीच आपल्या उत्तम अभिनयासाठी चर्चेत राहणाऱ्या अभिनेत्याने पोस्टच्या माध्यमातून अभिनेत्याने, त्याच्या बालपणीची एक आठवण सांगितली आहे.

संतोष जुवेकर बालपणीचा किस्सा सांगताना म्हणाला, "लहानपणी बाबा सलूनमध्ये केस कापायला घेऊन जायचे. तेव्हां केसकपणारे उत्तम काका मला त्यांच्या दुकानातल्या भिंतीवर लावलेल्या अनेक हिरोंचे फोटो दाखवून विचारायचे "बाळा बोल कुणासारखे कापू केस तुझे.... अमिताभ बच्चन सारखे की मिथुन सारखे की अनिल कपूर सारखे की शारुख खान सारखे की सलमान खान सारखे..." आणि मग त्यातला मी एक फोटो निवडायचो आणि सांगायचो... पण ते कापायचे तसेच जसे बाबा त्यांना सांगायचे तसेच..." (Social Media)

पुढे अभिनेत्याने आपल्या पोस्टमध्ये लिहिलंय की, "असो हे महत्वाचं नाही तर सांगायचं कारण हे की काल शुटिंगला जाताना अचानक मला रस्त्यात एक हेयर सलून दिसलं. त्याच्या नावाच्या बोर्डवर चक्क माझा फोटो लावला होता. त्या भावानं आता बहुतेक पोर दुकानात जाताना बाहेरच ठरवत असतील कुणासारखे केस कापायचे ते... ये बाप्पू... साल्ला अपून तो हिरो बनगया!!!! बोला तो बोला जय महाराष्ट्र " (Marathi Actors)

सध्या अभिनेत्याची ही इन्स्टाग्राम पोस्ट चांगलीच चर्चेत आली आहे. अभिनेत्याच्या पोस्टवर चाहत्यांकडून कौतुक केले जात आहे. "मराठीतला इम्रान हाशमी...", "मराठी हिरोंचे फोटो क्वचितच ठेवत असतील. पण भारी वाटलं संत्या भाईचा फोटो बघून...", "दादा, तू लोकांच्या मनात किती घर केलं आहेस, हे तेव्हा कळतं जेव्हा बॅनरवर बाकी हिरोंची नावं पाहतो, मात्र तुझी ओळख ही, "तुमचा आमचा लाडका संत्या" अशी असते..." असं म्हणत अनेक युजर्सने संतोषचे कौतुक केले आहे. चाहत्यांसोबत अभिनेत्याचे काही सेलिब्रिटी मित्रांनीही अभिनेत्याचे कौतुक केले आहे. पोस्ट सोशल मीडियावर तुफान व्हायरल होत आहे. (Entertainment News)