लोकप्रिय अभिनेता असला तरी पैसै कमावण्यासाठी Pushkar Shrotri करायचा 'हे' काम

Patla Tar Ghya With Jayanti: सेलिब्रिटी आणि चाहत्यांच्या नाते फार अनोखे असते. कलाकारांच्या खासगी आयुष्यात सध्या काय सुरु आहे, याची माहिती जाणून घेण्यासाठी प्रत्येक चाहते बरेच उत्सुक असतात. फावल्या वेळात आपले लाडके सेलिब्रिटी काय करतात असा प्रश्न अनेकांना पडलेला असतो. या आणि अशा अनेक प्रश्नांचे उत्तर देण्यासाठी नाटक, सिनेमा, मालिका, सूत्रसंचालन अशा विविध माध्यमांमधून घराघरांत पोहोचलेला पुष्कर श्रोत्रीने एका कार्यक्रमात हजेरी लावली होती.

पुष्कर श्रोत्रीने याच प्रश्नाचे उत्तर देण्यासाठी प्लॅनेट मराठीवरील 'पटलं तर घ्या विथ जयंती' या टॉक शोमध्ये त्याने हजेरी लावली होती. पुष्कर फावल्या वेळात काय करत असेल अशा अनेक प्रश्नांचे उत्तर आपल्याला पडले असतील. त्याने यावेळी सांगितले की, 'मी फावल्या वेळेत रिक्षा चालवून पैसे कमवायचो.' आता तो असं का करायचा, यामागचं मुख्य कारण काय? याचे उत्तर तुम्हाला शुक्रवारी म्हणजेच १७ फेब्रुवारी रोजी मिळणार आहे.

यावेळी या शोमध्ये पुष्कर श्रोत्रीसोबत संदीप पाठकने ही हजेरी लावली होती. ‘आपल्या देशाचं कालचं, आजचं आणि उद्याचं राजकारणही रस्ते देऊ, पाणी देऊ आणि वीज देऊ याभोवतीच फिरणार आहे. यातून आपण कधी बाहेर पडणार आहोत?' असा प्रश्न या शोमध्ये संदीप पाठक यांनी उपस्थित केला आहे. त्यामुळे या आगामी एपिसोडमध्ये थोडी गांभीर्यता दिसणार आहे.

या भागात पुष्कर आणि संदीप यांनी त्यांच्या कारकिर्दीतील काही धमाल किस्से शेअर केले आहेत. सोबतच सामाजिक आणि राजकीय मुद्द्यांवरही आपली परखड मतं व्यक्त केली आहेत. त्यामुळे यावेळचा 'पटलं तर घ्या विथ जयंती'चा भाग जबरदस्त असणार हे नक्की !