Ashok Saraf News: पुरुषांचं भारीपण कोण दाखवणार नाही; अशोक सराफ असे का म्हणाले?

Ashok Saraf News: केदार शिंदे दिग्दर्शित 'बाईपण भारी देवा' या चित्रपटाची सोशल मीडियावर प्रचंड चर्चा सुरू आहे. बाईपण भारी देवा' या सिनेमाने आतापर्यंत कोट्यवधींची कमाई केली आहे. 'बाईपण भारी देवा' या चित्रपटावर सोशल मीडियावर भरभरून बोललं जात आहे. या चित्रपटानंतर सुरु झालेल्या चर्चेवर ज्येष्ठ अभिनेते अशोक सराफ यांनीही प्रतिक्रिया दिली आहे. या सिनेमाच्या निमित्ताने 'पुरुषांचं भारीपण कोण दाखवणार नाही', असं म्हणत परखड भाष्य केलं. (Latest Marathi News)

अशोक सराफ काय म्हणाले?

'बाईपण काय भारी हे दाखवायला लोक पुढे येतील. पण पुरुषांचं भारीपण कोण दाखवणार नाही. पुरुषांचं भारीपण हे नकळत ठरलं जातं. ते फक्त जाणवून घेण्यापर्यंत असतं. त्याचा कोणही गवगवा करत नाही, असे अशोक सराफ म्हणाले. (Ashok Saraf Latest News)

'स्त्रिया आपल्या मनातल्या भावना दु:ख मैत्रिणी किंवा नवऱ्यासमोर बोलून मोकळ्या होतात. पण पुरुष मंडळी कायम मौन बाळगून असतात. पुरुष त्यांचं दु:ख कधीच कोणासमोर मांडत नाही. कधीच मनमोकळेपणाने बोलत नाहीत. गप्प राहून त्रासाला सामोरे जातात, असे अशोक सराफ पुढे म्हणाले.

दरम्यान, अशोक सराफ यांचे वक्तव्य सध्या चांगलं चर्चेत आहे. अशोक सराफ यांच्या वक्तव्यावर स्त्रियांही भरभरून बोलत आहेत. तसेच अशोक सराफ यांनी अभिनयशैलीच्या जोरावर कलाविश्वात मोठं स्थान निर्माण केलं आहे.

दरम्यान, अशोक सराफ यांनी वयाचे पंचाहत्तर वर्षे पूर्ण केले आहे. तरीही आज अशोक सराफ प्रेक्षकांची सेवा करत आहे. आजही अशोक सराफ हे 'व्हॅक्यूम क्लीनर' नाटकाच्या माध्यमातून प्रेक्षकांच्या भेटीला येत आहे. अशोक सराफ यांच्यासोबत ज्येष्ठ अभिनेत्री निर्मिती सावंत या प्रमुख भूमिकेत आहे.