Chhava Movie: 'मला हा चित्रपट पाहायचा...'; मुख्यमंत्री देवेंद्र फडणवीसांनी इच्छा व्यक्त करत 'छावा' टॅक्स फ्रीबाबत केली मोठी घोषणा

Devendra Fadnavis On Chhaava Movie: सध्या संपूर्ण महाराष्ट्रात विकी कौशलच्या छावा चित्रपटाची क्रेझ वाढत आहे. प्रेक्षां मोठ्या गर्दीने हा चित्रपट पाहायला जात आहेत. अशातच महाराष्ट्राचे मुख्यमंत्री देवेंद्र फडणवीस यांनी देखील हा चित्रपट पाहण्याची इच्छा व्यक्त करत या चित्रपटाच्या टॅक्स बाबत मोठी घोषणा केली आहे.

माध्यमांशी बोलताना मुख्यमंत्री म्हणाले, मला छावा चित्रपट पाहायचा आहे कारण ज्यांनी हा चित्रपट पाहिला त्यांनी मला सांगितलं इतिहासाशी कोणतीही प्रतारणा न करता हा चित्रपट बनवला आहे. त्याबद्दल मी सिनेमाचे निर्माते दिग्दर्शक आणि अभिनेता विकी कौशल याच मनापासून अभिनंदन करतो.

हा चित्रपट टॅक्स फ्री करा ही मागणी मोठ्या प्रमाणात होत आहे. पण मी महाराष्ट्राला सांगू इच्छितो इतर राज्य जेव्हा सिनेमा टॅक्स फ्री करतात तेव्हा त्यावरचा करमणूक कर ते माफ करत असतात. मात्र २०१७ सालीच महाराष्ट्राने करमणूक कर कायमचा रद्द केलेला आहे. त्यामुळे अशा प्रकारची टॅक्स फ्री माफ करण्याकरता आपल्याकडे तो लागू नाही. पण या सिनेमाचं प्रमोशन करण्यासाठी आणि छत्रपती संभाजी महाराज यांचा इतिहास प्रत्येक व्यक्तीपर्यंत पोहोचवण्याकरता महाराष्ट्र शासन म्हणून जे करता येईल ते नक्की करू अशी ग्वाही मुख्यमंत्र्यांनी दिली.

चित्रपटाच्या कलेक्शन बाबत बोलायचे झाले तर आता पर्यंत 'छावा' चित्रपटाने चार दिवसांत सिनेमाचे बजेट वसूल करत वर्ल्डवाइड 195.60 कोटींचा व्यवसाय केला आहे. विकी कौशल, रश्मीने मंदाना आणि अक्षय खन्ना यांचा छावा हा चित्रपट प्रेक्षकांना अत्याधिक आवडला आहे.