क्रिती आणि शाहिदची हटके लव्हस्टोरी चाहत्यांना भावली; ‘व्हॅलेंटाईन डे’च्या दिवशी चित्रपटाने केली उत्तम कमाई

TBMAUJ 6th Day Box Office Collection

क्रिती सेनन आणि शाहिद कपूरच्या (Kriti Sanon And Shahid Kapoor) ‘तेरी बातों मै ऐसा उल्झा जियां’ (Teri Baaton Mein Aisa Uljha Jiya) चित्रपटाची सध्या बॉक्स ऑफिसवर जोरदार चर्चा सुरू आहे. रोबोट आणि माणूस अशी हटके लव्हस्टोरी असलेला हा चित्रपट बॉक्स ऑफिसवर ९ फेब्रुवारीला रिलीज झालेला आहे. चित्रपटाला फक्त देशातच नाही तर जगभरामध्ये उत्तम प्रतिसाद मिळताना दिसत आहे.

अमित जोशी आणि आराधना साह दिग्दर्शित या चित्रपटाने ‘व्हॅलेंटाईन डे’च्या दिवशी उत्तम कमाई केली आहे. व्हॅलेंटाईन विकमध्ये रिलीज झालेल्या चित्रपटाला प्रेक्षकांकडून संमिश्र प्रतिसाद मिळतोय. चला तर जाणून घेऊया चित्रपटाने ‘व्हॅलेंटाईन डे’च्या दिवशी किती कमाई केली, जाणून घेऊया. (Bollywood Film)

चित्रपटामध्ये क्रिती सेनन एका सिफ्रा नावाच्या रोबोटच्या भुमिकेत तर शाहिद कपूर एका वैज्ञानिकाच्या भूमिकेत आहे. एका वैज्ञानिकाची आणि रोबोटच्या लव्हस्टोरीची सध्या सोशल मीडियावर जोरदार चर्चा होत आहे. ही अनोखी कथा असलेल्या चित्रपटाला प्रेक्षकांकडून आणि समीक्षकांकडून संमिश्र प्रतिसाद मिळत आहे. (Bollywood News)

कोट्यवधी रूपयांमध्ये चित्रपटाची निर्मिती झाली असून फक्त देशातच नाही जगभरामध्ये चित्रपट दिलासादायक कमाई करीत आहे. नुकतंच सॅकल्निक या ट्रेड ॲनालिस्टने चित्रपटाच्या कमाईचे आकडे जाहीर केले आहेत. चित्रपटाने सहाव्या दिवशी ६. ७५ कोटींची कमाई केली आहे. चित्रपटाने एका आठवड्यामध्ये फक्त ४१. ३५ कोटींची कमाई केली आहे. तर चित्रपटाने जगभरामध्ये एका आठवड्यामध्ये ६४ कोटींची कमाई केली आहे. (Bollywood Actor)

पहिल्या दिवशी ६.७ कोटी, दुसऱ्या दिवशी ९. ६५ कोटी, तिसऱ्या दिवशी १०. ७५ कोटी, चौथ्या दिवशी ३ .७५ कोटी, पाचव्या दिवशी ३. ८५, तर सहाव्या दिवशी ६. ७५ कोटींची कमाई केली आहे. अमित जोशी आणि आराधना साह दिग्दर्शित चित्रपट सध्या प्रेक्षकांचे निखळ मनोरंजन करीत असून प्रेक्षक चित्रपटाला उत्तम प्रतिसाद देत आहे. चित्रपटाने एका आठवड्यामध्ये फक्त ४१. ३५ कोटींची कमाई केली आहे. तर चित्रपटाने जगभरामध्ये एका आठवड्यामध्ये ६४ कोटींची कमाई केली आहे. शाहिद आणि क्रितीसाठी हा चित्रपट खास ठरला आहे. कारण त्यांचे आधीचे चित्रपट बॉक्स ऑफिसवर फारशी कमाई करू शकले नाहीत. (Bollywood Actress)

दरम्यान, मॅडॉक फिल्मने चित्रपटाची निर्मिती केली आहे. ॲक्शन, रोमान्स आणि कॉमेडीचा जबरदस्त तडका असलेल्या चित्रपटाचे दिग्दर्शन अमित जोशी आणि आराधना साहने केले आहे. या चित्रपटामध्ये शाहिद आणि क्रिती व्यतिरिक्त बॉलिवूडचे ज्येष्ठ अभिनेते धर्मेंद्र देखील असणार आहे. त्याच्यासोबत डिंपल कपाडिया आणि राकेश बेदी देखील या चित्रपटाचा एक भाग आहेत. चित्रपटातील डायलॉगसोबतच गाणी प्रेक्षकांच्या पसंतीस उतरत आहेत. (Entertainment News)