Amitabh Bachchan: 'मला नियम समजावू नका...'; १० वर्षाच्या मुलाने अमिताभ बच्चन यांचा केला अपमान, पाहा VIDEO

Amitabh Bachchan Host KBC 17: "केबीसी १७" मधील एक व्हिडिओ सोशल मीडियावर व्हायरल होत आहेत. एक मुलगा हॉट सीटवर बसलेला आहे. जेव्हा अमिताभ बच्चन त्याला प्रश्न विचारतात तेव्हा तो अतिआत्मविश्वासाने आणि उद्धट स्वरात उत्तर देतो. याकडे अमिताभ बच्चनच्या चाहत्यांचे आणि सोशल मीडिया नेटकऱ्यांचे लक्ष वेधले गेले आहे. व्हायरल व्हिडिओमधील मुलाच्या गैरवर्तनाने नेटकरी संतापले आहेत.

अमिताभ बच्चन यांनी दाखवला संयम

"केबीसी १७" मधील हॉट सीटवर बसलेला मुलगा म्हणतो, "मला नियम माहिती आहेत तर तुम्ही आता मला नियम समजावून सांगू नका." अमिताभ बच्चन प्रश्न विचारण्यापूर्वीच तो उत्तर देत मला पर्याय नको सांगू असे उद्धटपणे बोलतो. पण, तो "रामायण" शी संबंधित एका प्रश्नाचे उत्तर देण्यासाठी स्वत:चं पर्याय सांगा असं बोलतो. संपूर्ण एपिसोडमध्ये, मुलाच्या गैरवर्तनानंतरही अमिताभ बच्चन शांत राहतात. हा मुलगा गुजरातच्या गांधीनगरचा आहे. त्याचे नाव इशित भट्ट आहे. १० वर्षांचा इशित भट्ट हा पाचवीचा विद्यार्थी आहे.

नेटकऱ्यांनी पालकांवर प्रश्न उपस्थित केले

'केबीसी १७' चा हा व्हिडिओ किंवा एपिसोड सोशल मीडिया नेटकऱ्यांनी पाहिला तेव्हा त्यांनी मुलाच्या पालकांवर टीका केली. एका नेटकऱ्याने कमेंट केली, "जया बच्चन व्हर्जन." दुसऱ्याने लिहिले, " जया बच्चन यांनी या एपिसोडसाठी अमिताभनची जागा घ्यावी." दुसऱ्या नेटकऱ्याने कमेंट केली, " या मुलाला वडीलधाऱ्यांचा आदर करायला शिकवले पाहिजे."

अमिताभ बच्चन यांनीही टीका केली

जेव्हा मुलाने रामायणाशी संबंधित चुकीचं उत्तर दिल्यावर अमिताभ बच्चन यांनीही त्यांच्यावर टीका केली. ते म्हणाले, "तूच एकमेव असा आहेस जो हुशार नाहीस." त्यानंतर ते हसले. चुकीचे उत्तर दिल्याने मुलाचा चेहरा पूर्णपणे पडला. मुलाचे पालकही खूप निराश दिसत होते.