Kartik Aaryan: कार्तिक आर्यनची थेट तुलना अल्लू अर्जुनशी; 'त्या'मागील उत्तर केले स्पष्ट

Kartik Aaryan On Allu Arjun: बॉलिवूड अभिनेता कार्तिक आर्यन सध्या 'शेहजादा' चित्रपटामुळे बराच चर्चेत आहे. चित्रपटात कार्तिकसोबत क्रितीही दिसणार आहे. हा चित्रपट अल्लू अर्जुनच्या 'अला वैकुंठापुरमुलू' या तेलगू चित्रपटाचा हिंदी रिमेक आहे. सध्या सोशल मीडियावर कार्तिकची तुलना अल्लू अर्जुनशी केली जात आहे. यावर आता कार्तिकने आपले स्पष्ट मत व्यक्त केले आहे. कार्तिक म्हणतो, माझी तुलना कोणत्याही अभिनेत्याशी व्हायला हरकत नाही कारण, त्याला त्याच्या भूमिकेवर पुर्णपणे विश्वास आहे.

एका इंग्रजी संकेतस्थळाला दिलेल्या मुलाखतीदरम्यान, कार्तिक आर्यनला विचारण्यात आले की, तुझी अल्लू अर्जुनशी तुलना केल्याने घाबरला आहे का? यावर त्याने प्रतिक्रिया दिली की, 'प्रत्येक चित्रपटात माझी तुलना कोणत्या ना कोणत्या चित्रपटाशी केली जाते. मी त्यावर प्रतिक्रिया देत नाही किंवा विचार करत नाही, याचा अर्थ मी घाबरलो नाही. मला ही या चित्रपटाची ऑफर देण्यात आली होती, तेव्हा मी अशा गोष्टींचा विचारही केला नव्हता. कारण मला माहित आहे की, माझ्या सोबत अशा घटना प्रत्येक चित्रपटात घडतात.'

तर कार्तिक आर्यन पुढे म्हणाला, 'मी आधी 'भूल भुलैया' आणि आता 'शेहजादा'मध्ये हाच पॅटर्न पाहिला आहे. हा एक सामान्य प्रश्न आहे, जो मला वारंवार विचारला जातो, परंतु मला त्यात कोणतीही अडचण नाही. मी माझे काम नेहमी असे करतो की, माझ्या चाहत्यांना मी साकारलेली व्यक्तिरेखा नक्कीच प्रेक्षकांना आवडेल याचा मी पुर्ण पणे प्रयत्न करतो.'

कार्तिक आर्यनचा 'शेहजादा' चित्रपट आज प्रदर्शित झाला आहे. रोहित धवन दिग्दर्शित हा अॅक्शन-ड्रामा चित्रपट असून चित्रपटात कार्तिक आर्यनचा अॅक्शन अवतार पहिल्यांदाच पाहायला मिळणार आहे. 'शहजादा'मध्ये कार्तिकसोबत क्रिती सेनॉन, राजपाल यादव, रोनित रॉय, परेश रावल यांसारखे दिग्गज स्टार्स दिसणार आहेत.