मनोरंजन सृष्टीतून दुखद घटना समोर आली आहे. प्रसिद्ध अभिनेत्याचं निधन झालं आहे. कन्नड टीव्ही अभिनेता राकेश पुजारीचं सोमवारी म्हणजे १२ मे रोजी सकाळी निधन झालं. वयाच्या ३४ व्या वर्षी राकेश पुजारीने जगाचा निरोप घेतला. राकेश पुजारीचा हृदयाचा झटक्याने मृत्यू झाला. तेो प्रसिद्ध कॉमेडियन देखील होता.
राकेशला कोणताही आजार नव्हता. राकेशचं रात्री २ वाजता निधन झालं. अभिनेता राकेश पुजारी ११ मे रोजी उडुपी जिल्ह्यात मैत्रिणीच्या लग्नात सहभागी झाला होता. राकेश हा मैत्रीण पूजा नितेजच्या मेहंदी सोहळ्यात सहभागी झाला होता. या सोहळ्यात नाचताना राकेशला हृदयाचा झटका आला. रक्तदाब कमी झाल्याने राकेशला हृदयाचा झटका आला. त्यानंतर रुग्णालयात दाखल केलं. मात्र, डॉक्टरांनी राकेशला मृत घोषित केले.
राकेश पुजारी याच्या निधनाच्या वृत्ताला अभिनेता शिवराज केआर पीटने दुजोरा दिला आहे. अभिनेता शिवराजने पोस्ट शेअर करत श्रद्धांजली अर्पण केली आहे. राकेशचा फोटो पोस्ट करत शिवराजने इन्स्टाग्राम हँडलवर भावुक पोस्ट लिहित श्रद्धांजली वाहिली आहे.
राकेश पुजारीने अनेक कन्नड टीव्ही मालिकेत काम केलं आहे. 'कॉमेडी खिलाडीलु सीझन ३ ' जिंकल्यानंतर राकेशला प्रसिद्धी मिळाली. राकेशला कन्नड सिनेमात अभिनेता म्हणून काम करायचं स्वप्न होतं. मात्र, राकेशचं अचानक निधन झाल्याने त्याचे चाहते आणि कुटुंबीयांना मोठा धक्का बसला आहे. राकेशच्या पश्चात त्याची आई आणि लहान बहीण असा परिवार आहे. दोघांना सोडून राकेश पुजारीने अकाली जगाचा निरोप घेतला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.