दाक्षिणात्य सुपरस्टार महेश बाबू सध्या त्याचा आगामी चित्रपट 'गुंटूर करम'मुळे चर्चेत आहे. या चित्रपटाचा एक प्रमोशन कार्यक्रम आयोजित करण्यात आला होता. या कार्यक्रमात चेंगराचेंगरी झाल्याची बातमी एएनआयने दिलीय. अभिनेता महेश बाबूला पाहण्यासाठी चाहत्यांनी मोठ्या संख्येने कार्यक्रमाला गर्दी केली होती. त्याचवेळी धावपळ सुरू झाल्याचं सांगितलं जात आहे.(Latest News)
'गुंटूर करम'च्या रिलीजपूर्वीच्या कार्यक्रमात महेश बाबूचे चाहते मोठ्या संख्येने आले होते. ज्याचा एक व्हिडिओ एएनआय या वृत्तसंस्थेने आपल्या एक्स अकाउंटवर शेअर केलाय. पोस्टमध्ये कार्यक्रमादरम्यान चेंगराचेंगरी झाल्याचे दिसत आहे. या चेंगराचेंगरीमुळे सर्वत्र पळापळ सुरू झाली होती. त्यामुळे सैरवैर धावणाऱ्या लोकांना नियंत्रित करण्यासाठी पोलिसांना लाठीचार्ज करावा लागला. या लाठीचार्जमध्ये अनेक पोलीसही गंभीर जखमी झाले. दरम्यान चित्रपट प्रमोशन कार्यक्रमाचा व्हिडिओ हा सोशल मीडियावर मोठ्या प्रमाणात व्हायरल होत आहे. प्रमोशन कार्यक्रमात झालेली घटना सर्वजण आश्चर्यचकित झालेत.
महेश बाबू स्टारर 'गुंटूर करम' हा चित्रपट १२ जानेवारीला रिलीज होणार आहे. या चित्रपटात श्रीलीलाही महत्त्वाच्या भूमिकेत दिसणार आहे. महेश बाबू हा साऊथ सिनेसृष्टीतील प्रसिद्ध स्टार आहे. महेश बाबूने अनेक सूपरहिट चित्रपट दिलेत. सोशल मीडियावरही महेश बाबूचे मोठ्या संख्येने फॅन फॉलोअर्स आहेत.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.