बॉलिवूडचा (Bollywood) 'खिलाडी' अर्थात अभिनेता अक्षय कुमार (Akshay Kumar) आणि अॅक्शन सुपरस्टार म्हणजे टायगर श्रॉफ (Tiger Shroff) या वर्षातला पहिला चित्रपट 'बडे मियाँ छोटे मियाँ'च्या माध्यमातून प्रेक्षकांच्या भेटीला येणार आहे. या चित्रपटाची घोषणा झाल्यापासून दोघांच्याही चाहत्यांमध्ये कमालीची उत्सुकता आहे.
या चित्रपटाच्या माध्यमातून अक्षय कुमार आणि टायगर श्रॉफ मोठ्या पडद्यावर एकत्र अॅक्शन करताना दिसणार आहे. या चित्रपटच्या रिलीज डेटबाबत अंदाज लावला जात होता. पण आता अक्षय कुमारने या सस्पेंसवरचा पडदा उचलला आहे. अक्षय कुमारने सोशल मीडियावर पोस्ट करत 'बडे मियाँ छोटे मियाँ' चित्रपटाची रिलीज डेट जाहीर केली आहे.
अक्षय कुमार आणि टायगर श्रॉफ यांनी आज आपल्या अधिकृत इन्स्टाग्राम अकाऊंटवरून एक फोटो शेअर करत चित्रपटाच्या रिलीज डेटची घोषणा केली आहे. अभिनेत्यांनी शेअर केलेल्या फोटोमध्ये अक्षय कुमार आणि टायगर श्रॉफ दोघेही हेलिकॉप्टरसमोर अतिशय स्टायलिश अंदाजमध्ये उभे राहिलेले दिसत आहे. अक्षयने फुल स्लीव्ह टी-शर्ट घातला आहे, तर टायगर त्याचे बायसेप्स दाखवताना दिसत आहे. या फोटोमधील दोन्ही अभिनेत्यांचा लूक प्रेक्षकांना प्रचंड आवडला असून त्यांचा हा फोटो व्हायरल होत आहे.
अक्षय कुमार आणि टायगर श्रॉफने फोटो शेअर करत कॅप्शनमध्ये लिहिले आहे की, 'बडे और छोटे से मिलने का समय हो गया है...बस ३ महिने बाकी है!' अक्षय कुमार आणि टायगर श्रॉफची ही पोस्ट शेअर केल्यानंतर लगेचच इंटरनेटवर व्हायरल होत आहे. या पोस्टवर नेटिझन्स जोरदार कमेंट्स करत आहेत. एका नेटकऱ्यांनी लिहिले की, 'आता फक्त तीन महिने वाट पाहायची आहे' तर दुसऱ्या नेटकऱ्याने लिहिले की, 'काउंटडाउन सुरू झाले आहे...'
'बडे मियाँ छोटे मियाँ'च्या रिलीजची तारीख जशी जवळ येत आहे तशी प्रेक्षकांना या बद्दलची उत्सुकता वाढत चालली आहे. अॅक्शन सुपरस्टार टायगर श्रॉफ हा या चित्रपटामध्ये नव्या रुपात दिसणार आहे. यंदाची ईद ही सणापेक्षा मोठी होणार आहे. टायगरच्या सिनेमॅटिक स्टाइलची झलक अनुभवण्यासाठी आता सगळेच उत्सुक आहेत. या चित्रपटामध्ये पृथ्वीराज सुकुमारन विलनच्या भूमिकेत दिसणार आहे. त्याचोसबत सोनाक्षी सिन्हा आणि मानुषी छिल्लर हे देखील मुख्य भूमिकेत आहेत.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.