सगळीकडे गोविंदा-सुनीताच्या घटस्फोटाची चर्चा; पण पडद्यामागं वेगळंच घडतंय, दोघांचा तो फोटो होतोय व्हायरल

गेल्या काही दिवसांपासून अभिनेता गोविंदा आणि त्यांची पत्नी सुनीता अहुजा यांचा घटस्फोटाची होणार असल्याच्या चर्चा रंगल्या होत्या. मात्र, गणेश चतुर्थीच्या विशेष प्रसंगी गोविंदा आणि सुनीता दोघेही एकत्र माध्यमांसमोर आले. यावेळी त्यांनी सर्वांना गणेशत्सवाच्या शुभेच्छा दिल्या आहे. यावेळी त्यांनी मुलांसाठीही आशिर्वाद मागितले. काही दिवसांपूर्वीच गोविंदाच्या मॅनेजरने, गणेशोत्सवात हे दांपत्य एकत्र दिसेल असे सांगितले होते. आणि ते खरे ठरल्याचे दिसून आले.

आपण सारे एकत्र राहू - गोविंदा

गणेश चतुर्थी निमित्त गोविंदा आणि सुनीता एकत्र दिसल्या. दोघांनी मरूण रंगाचे कपडे परिधान केले होते. यावेळी प्रसार माध्यमांशी बोलताना गोविंदा म्हणाला, 'याहून सुंदर आणि खास क्षण असूच शकत नाही. गणपती बाप्पाच्या आशीर्वादाने कुटुंबातील सगळ्या अडचणी दूर होतात. तसेच दु:ख नाहीसं होतं'.

'आम्ही प्रार्थना करतो की, आपण सारे मिळून शांततेत आयुष्य व्यतीत करतो. आपण सारे असेच कायम एकत्र राहू', असंही गोविंदा म्हणाला. या प्रसंगी गोविंदाने आपल्या मुलांचा, टीना आणि यशचा उल्लेख केला. 'मी विशेषत: यश आणि टीनासाठी तुमचा आशीर्वाद मागतो. तुम्ही त्यांना साथ आणि आधार द्या. त्यांच्या यशासाठी मी बाप्पाकडे प्रार्थना करतो'.

'तुमचं प्रेम आणि आशीर्वाद त्यांना माझ्याहूनही मोठं नाव मिळवून देईल. लोक आश्चर्यचकित होतील की गोविंदाची मुलं कुठल्याही बाहेरील मदतीशिवाय एवढं मोठं यश मिळवू शकली', असंही गोविंदा म्हणाला.

घटस्फोटाच्या अफवांवर मौन

दरम्यान, घटस्फोटाच्या चर्चेबद्दल थेट काही न बोलता दोघांनीही मौन बाळगलं. मात्र, जेव्हा त्यांना कॉन्ट्रोव्हर्सीबाबत विचारण्यात आलं. तेव्हा सुनीता अहुजा म्हणाल्या, 'तुम्ही इथे कॉन्ट्रोव्हर्सी ऐकायला आलात की, गणपती बाप्पा मोरया म्हणायला आलात?' असं सुनीता अहुजा म्हणाली.