संपूर्ण देशभरात गणेशोत्सव हा सण मोठ्या उत्साहात साजरा होत आहे. इंडस्ट्रीतील अनेक सेलिब्रिटींच्या घरी बाप्पाचे आगमन झाले आहे. बॉलिवूडचा 'भाईजान' सलमान खानच्या घरी दरवर्षीप्रमाणे यंदाही मोठ्या उत्साहात लाडक्या गणरायाचे आगमन झाले आहे. सलमान गणपती बाप्पामध्ये तल्लिन झाला असून सोशल मीडियावर अभिनेता सलमान खानचा व्हिडीओ समोर आला आहे. सलमानच्या कृत्याने चाहत्यांची मने जिंकली आहेत.
अभिनेता सलमान खान हा बहिण अर्पिता खान आणि आयुष शर्मा यांच्या घरी बाप्पाच्या दर्शनासाठी पोहोचला आहे. यावेळी सलमान खानने बाप्पाचं दर्शन घेत आरती केली यादरम्यानचा व्हिडीओ व्हायरल झाला आहे.
सलमान खान त्याच्या भाचीसोबत गणपतीची आरती करत आहे. व्हिडीओमध्ये , सलमानने तेथे असलेल्या सर्व लहान मुलांना आरती पकडण्यास सांगितले. सोशल मीडियावर 'भाईजान'च्या या व्हिडीओवर नेटकऱ्यांकडून कौतुकाचा वर्षाव होत आहे.
'गणेश चतुर्थीच्या या शुभ मुहूर्तावर, भगवान गणपती आपणा सर्वांना आणि आपल्या कुटुंबियांना आरोग्य, प्रेम आणि आनंद देवो... आणि हो, भरपूर मोदकही देवो.' सलमानच्या या पोस्टवर नेटकऱ्यांकडून कमेंट्सचा वर्षाव होत आहे.दरवर्षी सलमानच्या घरी गणेश चतुर्थीला गणपती बाप्पाचं आगमन होतं आणि संपूर्ण खान कुटुंबीय बाप्पाची मनोभावे पूजाअर्चना करतात. हीच प्रथा खान कुटुंबाने यावर्षीही कायम ठेवली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
