Bigg Boss Marathi 5 : बिग बॉसच्या घरातला पहिला वाईल्ड कार्ड स्पर्धक कोण ? केव्हा आणि कधी येणार ?

बिग बॉस मराठीच्या पाचव्या पर्वाची सध्या प्रेक्षकांमध्ये चांगलीच क्रेझ पाहायला मिळत आहे. दुसऱ्या आठवड्यापासून सोशल मीडियावर वाईल्ड कार्ड स्पर्धकाची चर्चा सुरू आहे. 'भाऊचा धक्का'वर रितेशने बिग बॉसच्या घरात लवकरच एक नवा स्पर्धक येणार असे सांगितले होते. पण नेमका कोण आणि केव्हा येणार या बाबत सांगितले नव्हते. सध्या सोशल मीडियावर एका स्पर्धकाची जोरदार चर्चा सुरू आहे. जाणून घेऊया नेमका कोण आहे तो स्पर्धक...

सोशल मिडिया एन्फ्लूएन्सर आणि रेडिओ जॉकी सुमित येणार अशी चर्चा सुरू आहे. नुकतंच सुमितने एक मुलाखत दिली आहे. त्या मुलाखतीत त्याने खरंच तो बिग बॉसच्या घरात जाणार का ? याबद्दल सांगितले आहे. पण या मुलाखतीमध्ये त्याने बिग बॉसच्या घरात जाणार की नाही ? याची चाहत्यांना हिंट दिली आहे. त्या शिवाय जर तो बिग बॉसच्या घरात गेलाच तर कोणत्या ग्रुपमधून खेळणार याबद्दलही त्याने भाष्य केलं आहे.

मुलाखतीत सुमित म्हणाला की, "बिग बॉसच्या घरात दोन वेगवेगळ्या टीम्स आहेत. सर्वांनाच माहित आहे, ए टीम जरा जास्तच स्ट्रॉंग आहे आणि बी टीममध्ये अजून गेम उतरलेला नाही. वैभव चव्हाण माझा मित्र बिग बॉसच्या घरात आहे. पण त्याने चुकीची टीम निवडली. मला वाटलं होतं की तो कुठे तरी टीम लीडर म्हणून आपल्या समोर येईल. पण तसं काही झालं नाही. मी जर बिग बॉसच्या घरात जर गेलो तर नक्कीच बी ग्रुपमध्ये मी जाईल."

"कारण, ए टीममध्ये ९० % स्पर्धक खूप जबरदस्त स्पर्धक आहे. त्यांना गेम कसा खेळायचा, ताकदीचा कसा वापर करायचा, दंगा कसा करायचा अशा सर्व गोष्टी त्यांना ठाऊक आहे. पण बी टीममध्ये सर्वच साधी भोळी माणसं आहेत. अनेकांना वाटतं की, मी बी टीममध्ये जावं. कारण, विरूद्ध टीममधील जे स्ट्रॉंग कॉन्टेस्टंट आहेत त्यांना तोडीस तोड उत्तर देणारा स्पर्धक असावा म्हणून ते मला त्या ग्रुपमध्ये पाहत आहेत. बाकी मी कोल्हापूरचा असल्याने बिग बॉसच्या घरात चांगलाच राडा करेल, यात शंका नाही."