फिटनेस सोशल मीडिया इन्फ्लुएंसर कार्ली डग्लस हिचं वयाच्या अवघ्या 36व्या वर्षी निधन झालंय. तीन मुलांची आई असलेल्या कार्लीने काही महिन्यांपूर्वीच स्वतःला चौथ्या टप्प्यातील पोटाचा कॅन्सर झाल्याची माहिती दिली होती. या धक्कादायक निदानानंतर अवघ्या तीन महिन्यांत तिची कॅन्सरशी झुंज अपयशी ठरली. तिच्या निधनानंतर कुटुंबीयांनी सोशल मीडियावर शेअर केलेली भावनिक पोस्ट सध्या मोठ्या प्रमाणात व्हायरल होतेय.
कार्लीच्या कुटुंबीयांनी शेअर केलेल्या पोस्टमध्ये तिच्या शेवटच्या दिवसांबद्दल आणि कॅन्सरविरुद्ध दिलेल्या संघर्षाबद्दल माहिती दिलीये. स्टेज 4 पोटाच्या कॅन्सरचं निदान झाल्यानंतरही तिने जगण्याची आशा कधीच सोडली नाही. कठीण परिस्थितीतही ती धैर्याने उभी राहिली. तिचा देवावरील विश्वास कायम होता आणि भेटणाऱ्या प्रत्येकाला ती श्रद्धा आणि सकारात्मकतेचा संदेश देत असे.
कुटुंबीयांच्या म्हणण्यानुसार, 13 जून 2026 रोजी कार्लीने अखेरचा श्वास घेतला. त्या वेळी तिच्या जवळ तिची लाडकी मुलं होती आणि त्यांच्या सहवासातच तिने या जगाचा निरोप घेतला.
कुटुंबीयांनी पोस्टमध्ये कार्लीच्या स्वभावाबद्दल सांगताना म्हटलंय की, ती जणू आनंदाचे दुसरं नाव होती. तिच्या चेहऱ्यावर कायम हास्य असायचं आणि तिचं हसणं आजूबाजूच्या लोकांनाही आनंद देत असे. जो कोणी तिच्या संपर्कात आला त्याला तिच्याकडून प्रेम आणि आपुलकीच मिळाली.
तिची तीन मुलं रिव्हर, फे, आणि टाउन्स हेच तिच्या आयुष्यातील सर्वात मोठं सुख होतं. मुलांसोबत घालवलेला प्रत्येक क्षण ती मनापासून जगत होती. त्यांच्या हसण्यात, खेळण्यात आणि सहवासात तिचा खरा आनंद होता. आई होणं हेच तिच्यासाठी सर्वात मोठा सन्मान आणि समाधानाचं कारण होतं.
कार्लीच्या कुटुंबीयांनी तिच्या पती डेव्हिडबद्दलही भावना व्यक्त केल्या. त्यांच्या मते, डेव्हिड हा केवळ तिचा पती नव्हता, तर तिचा सर्वात जवळचा मित्र होता. रोज संध्याकाळी तो घरी येण्याची ती आतुरतेने वाट पाहायची. दोघांचं नातं खूप घट्ट आणि प्रेमळ होतं. त्यांच्या आयुष्यातील प्रत्येक क्षणात हे प्रेम दिसून येत असे. घरातील वातावरणही या प्रेमामुळे अधिक सुंदर बनलं होतं.
कार्लीच्या आयुष्यात तिच्या आई-वडिलांचं स्थान खूप महत्त्वाचं होतं. कुटुंबीयांनी सांगितलं की, ती आपल्या पालकांवर मनापासून प्रेम करत होती. विशेषतः तिच्या आईसोबत तिचं अतिशय खास नातं होतं. तिची आई ही फक्त पालक नव्हती, तर तिची सर्वात जवळची मैत्रीण होती. आयुष्यातील प्रत्येक चांगल्या-वाईट प्रसंगी आईने तिला आधार दिला. त्यामुळे तिच्या जाण्याने कुटुंबीयांवर मोठा दुःखाचा डोंगर कोसळला आहे.
पोस्टमध्ये असंही म्हटलंय की, कार्लीच्या जाण्याने निर्माण झालेली पोकळी कधीच भरून निघणार नाही. मात्र तिच्या कुटुंबीयांना विश्वास आहे की, ती आता दुःख आणि वेदनांपासून मुक्त झाली आहे आणि अधिक शांत, आनंदी अवस्थेत आहे.
कार्ली डग्लस सोशल मीडियावर तिच्या कॅन्सरविरुद्धच्या लढ्याबद्दल नियमितपणे माहिती देत होती. उपचारांदरम्यानचे अनुभव, भावनिक क्षण आणि आशावादी संदेश ती तिच्या फॉलोअर्ससोबत शेअर करत असे. तिच्या निधनानंतर अनेकांनी तिच्या आठवणींना उजाळा दिला. एका चाहत्याने लिहिलंय की, कॅन्सरचे निदान झाल्यानंतरही कार्लीने आयुष्याकडे पाहण्याचा दृष्टिकोन बदलला नाही. ती शेवटपर्यंत प्रेम, विश्वास आणि सकारात्मकतेचा संदेश देत राहिली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.