Actress Death: प्रसिद्ध अभिनेत्री नंदिनी सीएमची आत्महत्या; मनोरंजन क्षेत्रात खळबळ

मनोरंजन क्षेत्रातील धक्कादायक बातमी आहे. कन्नड टेलिव्हिजनची प्रसिद्ध अभिनेत्री नंदिनी सीएमने आत्महत्या केली. वृत्तानुसार, अभिनेत्रीने आत्महत्या केली आहे. आत्महत्या करण्यापूर्वी तिने एक सुसाईड नोट लिहिली असून त्यात तिने आत्महत्या करण्याचं धक्कादायक कारण सांगितलंय. केंगेरी पोलिस ठाण्यात अनैसर्गिक मृत्यूचा गुन्हा दाखल करण्यात आला आहे, त्यानंतर पोलिसांनी या प्रकरणाचा तपास सुरू केला आहे.

अभिनेत्री नंदिनी सीएमने कन्नड टेलिव्हिजन इंडस्ट्रीमध्ये आपलं नाव कमावलं होतं. तमिळ मालिका 'गौरी सीरियल' मध्ये दुहेरी भूमिका साकारली होती. २८ डिसेंबरच्या रात्री नंदिनी सीएमने बेंगळुरूच्या केंगेरी पोलीस स्टेशन परिसरात असलेल्या एका पीजीमध्ये आत्महत्या केली. तिने "जीवा हुवागा," "निनादे ना," "संघर्ष," "मधुमगलू," आणि "अण्णा-ठंगी" सारख्या मालिकांमध्ये काम केले होते. दरम्यान अभिनेत्रीने आत्महत्या का केली त्याचे कारण अद्याप समजू शकलेले नाहीये.

दरम्यान अभिनेत्री नंदिनीच्या जवळची मैत्रिण तनुजा हिने टीव्ही 9 कन्नडशी बोलताना सांगितले की, "मला तिच्या आत्महत्येचं खरे कारण माहित नाही. तिच्या वडिलांचे निधन झाले होते. तिच्या वडिलांच्या निधनानंतर नंदिनीला त्यांच्या जागी सरकारी नोकरी मिळाली होती. पण नंदिनीला ती नोकरी करायची नव्हती. अभिनय क्षेत्रात तिने १० वर्षे कठोर परिश्रम केले.

म्हणून तिला सरकारी नोकरी करू नका, असे सांगितले जात होतं. तर तिच्या कुटुंबाने तिला सरकारी नोकरी करण्याचा सल्ला दिला होता. तिच्या कुटुंबाने तिला चित्रपट क्षेत्रात जाऊ नका असे देखील सांगितले होतं. त्याचकारणामुळे ती नैराश्यात गेली होती.