Emraan Hashmi Awarapan 2: इमरान हाश्मीच्या वाढदिवशी 'आवारापन २' ची घोषणा; टीझर प्रदर्शित करत चाहत्यांना दिलं सरप्राईज

Emraan Hashmi Awarapan 2: बॉलिवूड अभिनेता इमरान हाश्मीने त्याच्या वाढदिवसानिमित्त एका खास घोषणा केली - इमरान हाश्मीने 'आवारापन' या चित्रपटाचा सिक्वेल जाहीर केला. इमरान लवकरच त्याच्या चाहत्यांसाठी 'आवारापन २' घेऊन परत येत आहे! वर्षानुवर्षे सुरू असलेल्या आता अटकळांना पूर्णविराम मिळाले आहे. अभिनेत्याने २००७ च्या 'आवारापन' या चित्रपटाचा टीझर सोशल मीडियावर शेअर करून त्याच्या सिक्वेलची अधिकृत घोषणा केली आहे.

सोमवारी, इमरानने 'आवारापन' चित्रपटाचा टीझर शेअर केला. या व्हिडीओमध्ये त्याचे पात्र एका बोटीवर उभे राहून सूर्यास्ताच्या प्रकाशात असलेल्या आकाशकडे पाहत आहे. त्याचवेळी तो एका पक्ष्याला पिंजऱ्यातून मुक्त करतो आणि म्हणतो, "दुसऱ्याच्या आयुष्यासाठी मरणे हे माझे भाग्य आहे. या टीझरचा शेवट "आवारापन २ - प्रवास सुरूच आहे" या मजकुरासह होतो आणि बॅकग्राऊंडला 'तेरा मेरा रिश्ता' हे गाणे वाजत राहते.

२०२६ साली चित्रपट प्रदर्शित

इमरान हाश्मीने पुष्टी केली की 'आवारापन २' हा त्याचा आगामी चित्रपट ३ एप्रिल २०२६ रोजी थिएटरमध्ये प्रदर्शित होणार आहे. टीझर शेअर करताना त्याने लिहिले, “बस मुझे कुछ और देर जिंदा राख… #आवारापन२ सिनेमागृहात, ३ एप्रिल २०२६.”

नेटिझन्सच्या प्रतिक्रिया

इमरान हाश्मीने पोस्ट शेअर करताच कमेंट्सचा पाऊस पडायला सुरुवात झाली. एका नेटकाऱ्यांने कमेंट केले, “सर्वोत्तम अभिनेत्यांपैकी एक, लॉर्ड इमरान.” दुसरी कमेंट केली, “शेवटी, हा चित्रपट येत आहेच” तिसऱ्या कमेंटमध्ये लिहिले होते, क्या बात है सर शेवटी 'आवारापन २' कन्फॉर्म झालाच. तर, अनेक नेटकऱ्यांनी त्याला वाढदिवसाच्या शुभेच्या दिल्या.