'आवारापन २' चित्रपट ॲक्शन-रोमँटिक थ्रिलर ड्रामा आहे
'आवारापन २' मध्ये इमरान हाश्मी मुख्य भूमिकेत
१९ वर्षांनी शिवम पंडित परत आलाय
"अक्खा बॉलिवूड एक तरफ और इमरान हाश्मी एक तरफ..." अभिनेता इमरान हाश्मी पुन्हा एकदा थिएटर गाजवण्यासाठी सज्ज झाला आहे. नुकताच 'आवारापन २' सिनेमाचा टीझर रिलीज झाला आहे. ज्यात इमरान हाश्मीचा लूक पाहून थरकाप उडेल. 'आवारापन २' हा ॲक्शन-रोमँटिक थ्रिलर ड्रामा आहे. चित्रपट नितीन कक्कर दिग्दर्शित आहे. तर सिनेमाची निर्मिती विशेष भट्ट यांनी केली आहे. 'आवारापन २' मध्ये इमरान हाश्मी शिवम पंडितच्या भूमिकेत दिसणार आहे.
'आवारापन २'च्या टीझरमध्ये प्रेम, दुःख आणि अॅक्शन यांचा अनोखा संगम पाहायला मिळत आहे. टीझरमधील डायलॉग लयभारी आहेत. टीझरमध्ये इमरान बाईक चालवताना दिसतोय. टीझर एका आकर्षक संवादाने सुरू होतो, ज्यात इमरान हाश्मी म्हणतो की, "कुछ लोगों की कहानियां उनकी मर्जी से खत्म नहीं होती, उनकी कहानी दूसरे लोगों के लिए लिखी जाती है..."
टीझरमध्ये पुढे इमरान, आलिया हमीदच्या (आवारपनमध्ये श्रिया सरनने साकारलेली भूमिका) कबरीजवळ बसलेला दिसतो. 'आवारपन' जिथे संपला, तिथूनच 'आवारापन २'ची कथा सुरू होताना दिसत आहे. टीझरमध्ये इमरानचे जबरदस्त डायलॉग ऐकायला मिळत आहे. तो बोलतो की, "मौत भी अजीब है, उसने मुझे छुआ पर अपनाया नहीं..." दिशा पटानी देखील टीझरमध्ये दिसत आहे.
'आवारापन २' मध्ये चित्रपटात दिशा पटानी इम्रानच्या प्रेयसीच्या भूमिकेत दिसणार आहे. टीझरमध्ये ज्येष्ठ अभिनेत्री शबाना आझमी यांचीही एक झलक पाहायला मिळते. त्या चित्रपटात खलनायिकेची भूमिका साकारणार आहेत.टीझरमध्ये 'आवारपन'मधील 'तो फिर आओ' हे गाजलेले गाणे नवीन रुपात पाहायला मिळणार आहे. टीझरच्या शेवटी शिवम पंडित म्हणतो की, "इस बार या तो यह आवारापन ख़त्म होगा या मैं।"
टीझरच्या कॅप्शनला लिहिलं की, "१९ वर्षांची प्रतीक्षा आता संपली... शिवम परत आलाय...तुम्ही त्याची कथा जिवंत ठेवलीत; आता ती कथा पुढे नेण्यासाठी तो परतलाय..." 'आवारापन २' चित्रपट 14 ऑगस्टला थिएटरमध्ये रिलीज होणार आहे.