Disha Patani House Firing Case : धाड धाड धाड...! दिशा पाटनीच्या घरावर गोळीबार करणाऱ्या दोघांचा पोलिसांकडून एन्काऊंटर

उत्तर प्रदेशच्या अभिनेत्री दिशा पाटनीच्या घरावरील गोळीबार प्रकरणात पोलिसांना मोठं यश आलं आहे. उत्तर प्रदेशच्या गाझियाबादमधील ट्रॉनिका सिटी हद्दीत पोलीस आणि आरोपींमध्ये चकमक झाली. या चकमकीत पोलिसांनी दोन्ही आरोपींना एन्काऊंटर करत ठार केलं. ही कारवाई यूपी एसटीएफ, दिल्ली पोलीस स्पेशल सेल आणि हरियाणा एसटीएफने मिळून कारवाई केली.

एन्काऊंटरमध्ये मारले गेलेल्या आरोपींचे नावे समोर आले आहेत रविंद्र उर्फ कल्लू आणि अरुण असे दोघांची नावे आहेत. दोघे कुख्यात गँगस्टर गोल्डी बरार आणि रोहित गोदारा गँगचे सदस्य होते. घटनास्थळावरून ग्लॉक आणि जिगाना पिस्तुलसहित अनेक काडतुसे सापडले आहेत.

काय आहे संपूर्ण प्रकरण?

दोघांनी १२ सप्टेंबर रोजी सकाळी ३.४५ वाजता दुचाकीवरून येत अभिनेत्री दिशा पटानीच्या घरावर नऊ राऊंड गोळीबार केला होता. या हल्ल्यानंतर गँगने सोशल मीडियावर हल्ल्याची जबाबदारी स्वीकारली होती. अभिनेत्री दिशाची बहीण खुशबू पटानीने कथावाचक प्रेमानंद महाराज आणि अनिरुद्धाचार्य यांच्यावर केलेल्या टिप्पणीनंतर गोळीबार केल्याचा दावा गोल्डी गँगने केला होता.

गोळीबाराच्या घटनेनंतर मुख्यमंत्री योगी आदित्यनाथ यांनी दिशा पटानीचे वडील आणि माजी डीएसपी जगदीश पटानी यांच्याशी फोनवरून संपर्क साधला. त्यानंतर त्यांना सुरक्षतेचं आश्वासन दिलं. पोलिसांनी अडीच हजारहून अधिक सीसीटीव्ही फुटेजची तपासणी करून आरोपींची ओळख पटवली. या प्रकरणातील इतर आरोपींना लवकर अटक होण्याची शक्यता आहे.