Dilip Kumar Sister Dies: दिलीप कुमार यांच्या बहिणीचं निधन: मेहबूब स्टुडिओशी होतं खास कनेक्शन

Dilip Kumar Sister Saeeda Khan Passed Away:

दिवंगत अभिनेते दिलीप कुमार यांची बहीण 'सईदा' यांचे निधन झाले आहे. सईदा प्रसिद्ध चित्रपट निर्माते मेहबूब खान यांचा मुलगा इकबाल खान यांच्या पत्नी होत्या. गेल्या अनेक महिन्यापासून सईदा आजारी असल्याचे त्यांच्या जवळच्या नातेवाईकांनी सांगितले.

सईदा खान यांच्या निधनाने त्यांच्या संपूर्ण कुटुंबावर दुःखाचा कोसळला आहे. दिलीप कुमार यांची पत्नी सायरा बनो यांनी अद्याप सईदा खान यांच्या निधनावर अद्याप कोणतीही प्रतिक्रिया दिलेली नाही.

ईटाइम्सला सईदा यांच्या जवळच्या सूत्रांनी दिलेल्या माहितीनुसार, इकबाल यांच्या निधनानंतर त्यांची मुलगी इल्हाम आणि मुलगा साकिब सईदा यांचा सांभाळ करत होते. इकबाल यांचे २०१८ साली निधन झाले. ते मेहबूब स्टुडिओचे एक ट्रस्टी होते.

मीडिया अहवालानुसार, सईदा भाऊ दिलीप कुमार यांच्या खूप जवळ होत्या. त्या शेवटच्या मेहबूब स्टुडिओमधील एका कार्याक्रमात दिसल्या होत्या. फेडरेशन ऑफ वेस्टर्न इंडिया सिने एम्प्लॉईजला १० लाखांचा चेक देण्यासाठी एक कार्यक्रम आयोजित केला होता. या कार्यक्रमासाठी सईदा तेव्हा उपस्थित होत्या. (Latest Entertainment News)