Shreya Bugde-Kushal Badrike : कुशल अन् श्रेयाची जोडी पुन्हा दिसणार पडद्यावर, 'त्या' फोटोनं वेधलं लक्ष

'चला हवा येऊ द्या' या कॉमेडी शोने खूप काळ प्रेक्षकांचे मनोरंजन केले. या शोमुळे कलाकारांना देखील खूप लोकप्रियता मिळाली. हा शो कायमच प्रेक्षकांच्या मनात घर करून आहे. हा शो बंद झाल्यामुळे आजही चाहते या कार्यक्रमाची आठवण काढतात. 'चला हवा येऊ द्या' या शोने जगाला खळखळून हसवले आहे.

आता पुन्हा एकदा 'चला हवा येऊ द्या' या शोमधील कलाकारांची चर्चा पाहायला मिळत आहे. अभिनेता कुशल बद्रिके आणि अभिनेत्री श्रेया बुगडे यांचे एकत्र फोटो सोशल मीडियावर पाहायला मिळत आहे. ज्यामुळे ते दोघे आता पुन्हा एकत्र पडद्यावर पाहायला मिळणार असल्याची चर्चा सोशल मीडियावर रंगली आहे. 'चला हवा येऊ द्या' शोनंतर कुशल आणि श्रेया पुन्हा एकत्र येणार आहेत.

कुशल (Kushal Badrike) आणि श्रेयाने (Shreya Bugde) सोशल मीडियावर शूटिंगच्या बाहेरचा फोटो शेअर केला आहे. ज्यामध्ये ते एकत्र पोज करताना , हसताना पाहायला मिळत आहे. श्रेयाने फोटोमध्ये ब्लॅक रंगाचा को-ऑर्ड सेट परिधान केला आहे. कुशलने ब्लॅक पॅन्ट, हिरव्या रंगाचा टी शर्ट आणि जॅकेट परिधान केले आहे. दोघेही गॉगल लावून स्टाइलमध्ये पोज करत आहेत.

कुशल आणि श्रेयाने फोटोंना खूप हटके कॅप्शन दिले आहे. त्यांनी लिहिले की,"बॅक टू बेसिक...शूटिंग दिवस..." असे लिहून झी मराठीच्या अधिकृत अकाउंटला मेंशन केले आहे. मात्र अद्यापही ही जोडी कोणत्या शोचे शूटिंग करत आहे. याचा खुलासा झाला नाही आहे. पण चाहते या बातमीने खूप खुश आहेत.