Kushal Badrike Video: "हमे तो अपनों ने लूटा..."; अजय देवगणचा इमोशनल डायलॉग केला शेअर, कुशल बद्रिकेला काय झालं?

अभिनेता कुशल बद्रिके 'चला हवा येऊ द्या ' या कार्यक्रमातून घराघरात पोहोचला आहे. विनोदाच्या अचूक टायमिंगने कुशलने प्रेक्षकांची मने जिंकली. सोशल मीडियावर कुशल बद्रिके त्याच्या प्रोजेक्टविषयी माहिती देत असतो. सध्या सोशल मीडियावर कुशल बद्रिकेने एक व्हिडीओ पोस्ट केली आहे. जी सर्वांचे लक्ष वेधून घेत आहे.

अलिकडेच, सोशल मीडियावर कुशलने चित्रपटाच्या शुटिंगदरम्यानचे फोटो पोस्ट केले होते. मात्र आता या फोटोंनंतर कुशलने माफी मागितली आहे यामागचं नेमकं कारण काय आहे ते जाणून घेऊया.

कुशलने त्याच्या अधिकृत इन्स्टाग्राम हॅडलवर व्हिडीओ पोस्ट केली आहे. या व्हिडीओमध्ये कुशल आणि दिग्दर्शक विजू माने दिसत आहेत. कुशलने, 'नमस्कार काल मी एक पोस्ट केली होती. पण काही तांत्रिक अडचणींमुळे तो सिनेमा मी करत नसल्याचे त्यांनी सांगितले आहे. त्याने सिनेमाचे लेखक, दिग्दर्शक विजू माने असणार होते. पण त्याच्या हातातूनही हा सिनेमा गेला' असे व्हिडीओमध्ये म्हटलंय. शेअर केलेल्या या व्हिडीओला हमें तो अपनो ने लूटा हे गाण बॅकग्राऊंडला वाजताना दिसत आहे.

व्हिडीओ शेअर करत कुशलने 'काल post केलेल्या नवीन सिनेमाच्या announcement बाबत खुलासा. आता मात्र शुभेच्छांची खरी गरज' असं कॅप्शन दिलं आहे. कुशलने काल शुटिंग दरम्यानचे फोटो पोस्ट केले होते ज्यामध्ये दोन मॉडेल बिकनीमध्ये होत्या. कुशलसह अन्य कलाकार मंडळी देखील दिसत होती. फोटो शेअर करत काहीतरी नवीन करतोय शुभेच्छा असू द्या असे म्हटले होते. मात्र आता नुकत्याच केलेल्या या सोशल मीडियावरील व्हिडीओने सेलिब्रिटींसह नेटकऱ्याचे लक्ष वेधले आहे.