Famous Singer : प्रसिद्ध गायक झाला बाबा; घरी आला चिमुकला पाहुणा, ५ महिन्यांपूर्वी बांधली लग्नगाठ

मनोरंजन विश्वातून आनंदाची बातमी समोर आली आहे. बॉलिवूडचा प्रसिद्ध गायक जुबिन नौटियाल (Jubin Nautiyal) बाबा झाला आहे. गायकाच्या घरी चिमुकल्या पाहुण्याचे आगमन झाले आहे. गणेशोत्सवात जुबिनच्या घरी हा आनंद आला आहे. याची माहिती स्वतः गायक जुबिनने दिली आहे. जुबिन नौटियालचा आवाज चाहत्यांना मंत्रमुग्ध करतो.

गणेश चतुर्थीला जुबिन आणि त्याच्या कुटुंबीयांनी पहिल्या मुलाचे स्वागत केले आहे. 'बॉम्बे टाइम्स'शी बोलताना जुबिनने ही आनंदाची बातमी दिली. तो म्हणाला, "हो, मी आता बाबा झालो आहे! १४ सप्टेंबर रोजी, गणेश चतुर्थीच्या अत्यंत शुभ दिवशी आमच्या मुलाचा जन्म झाला. आई आणि बाळ दोघेही घरी परतले असून ते सुखरूप आहेत." जुबिनच्या आयुष्याचे नवीन पर्व सुरू झाले आहे.

घरात आलेल्या या चिमुकल्या पाहुण्यामुळे कुटुंबात आनंदाचे वातावरण पाहायला मिळत आहे. "आम्ही आमच्या मुलाचे नाव अजून ठरवलेले नाही... सध्या आम्ही त्याच्यासोबतचे ते सुंदर क्षण अनुभवण्यात मग्न आहोत..." असे जुबिन म्हणाला. जुबिन नौटियालने एप्रिल 2026 मध्ये गुपचूप लग्नगाठ बांधली होती आणि आता सप्टेंबर २०२६ ला त्याने बाबा झाल्याची गुडन्यूज शेअर केली आहे.

जुबिन नौटियाल करिअर

'रातां लंबियां', 'तुझे कितना चाहें और', 'काबिल हूँ', 'लो सफर' , 'जिंदगी कुछ तो बता' ही जुबिन नौटियालची गाजलेली गाणी आहेत. बाबा झाल्याची बातमी समजताच संगीत आणि मनोरंजन क्षेत्रातील मित्र, कलाकारमंडळी आणि चाहत्यांकडून त्याच्यावर शुभेच्छांचा वर्षाव होत आहे. दोघांनाही नवीन प्रवासासाठी शुभेच्छा दिल्या जात आहे.