Ranbir Kapoor ने 'ॲनिमल'च्या ट्रेलर लाँचवेळी Rashmika Mandanna ला कोपरा का मारला?, VIDEO होतोय व्हायरल

Animal Movie Trailer Launch:

बॉलिवूड (Bollywood) सुपरस्टार रणबीर कपूर (Ranbir Kapoor) आणि रश्मिका मंदान्ना यांचा बहुप्रतीक्षित 'ॲनिमल' चित्रपट (Animal Movie) सध्या चांगलाच चर्चेत आहे. हा चित्रपट 1 डिसेंबर 2023ला प्रेक्षकांच्या भेटीला येणार आहे. नुकताच 'ॲनिमल'चा धमाकेदार ट्रेलर दिल्लीतील एका शानदार कार्यक्रमात लाँच करण्यात आला. या ट्रेलरमधील रणबीरचा लूक आणि अभिनय प्रेक्षकांना खूप आवडला. या ट्रेलर लाँचला चित्रपटाची संपूर्ण स्टार कास्ट पोहचली होती आणि त्यांना पाहण्यासाठी मोठी गर्दी झाली होती. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या कार्यक्रमादरम्यान, रणबीर कपूर, रश्मिका मंदान्ना आणि बॉबी देओल यांनी माध्यमांशी संवाद साधत त्यांनी विचारलेल्या प्रश्नांची उत्तरं दिली. यावेळी रश्मिका मंदान्नाला चित्रपटाविषयी प्रश्न विचारला. या प्रश्नाचे उत्तर देताना रश्मिका रणबीरसोबत चित्रपटात काम करण्यचा अनुभव सांगताना दिसली. रश्मिका उत्तर देताना रणबीरने रश्मिकाला कोपरा मारला. हा व्हिडीओ सध्या सोशल मीडियावर तुफान व्हायरल होत आहे.

व्हिडिओमध्ये दिसत आहे की, जेव्हा रश्मिका एका प्रश्नाचे उत्तर देते आणि यादरम्यान ती रणबीरचे नाव घेते तेव्हा ती त्याच्याकडे पाहते आणि रणबीर सर किंवा रणबीर म्हणते. हे पाहून सगळे हसू लागतात. ती पुढे रणबीरसोबतचा चित्रपटातील अनुभव सांगते आणि पुन्हा ती रणबीरला सर म्हणते. त्यानंतर रणबीर हासत हासत रश्मिकाला कोपराने मारतो.

या मुलाखतीमध्ये रश्मिकाने सांगितले की, रणबीरसोबत काम करून तिला एक गोष्ट शिकायला मिळाली आणि ती म्हणजे फायनल शूटिंग करण्यापूर्वी कोणत्याही सीनची रिहर्सल करणे किती महत्त्वाचे असते. दरम्यान, दिल्लीतील कॅनॉट प्लेस येथे हा ट्रेलर लाँच कार्यक्रम आयोजित करण्यात आला होता.

यावेळी चित्रपटातील नायक आणि खलनायक दोघांनाही पाहण्यासाठी दिल्लीकरांनी मोठी गर्दी केली होती. या गर्दीला आवरणे कठीण झाले होते. रणबीर आणि बॉबी या दोघांनीही चाहत्यांना निराश केले नाही. तर ते आपल्या कारवर उभं राहून चाहत्यांना भेटले. हा चित्रपट येत्या 1 डिसेंबर रोजी प्रदर्शित होणार आहे.