Sunny Deol: खरंच सनी देओल दारूच्या नशेत रस्त्यावर फिरत होता का?, व्हायरल व्हिडीओनंतर स्वत:च दिलं उत्तर

Sunny Deol Safar Movie: नुकताच सोशल मीडियावर सनी देओलचा एक व्हिडीओ व्हायरल झाला आहे. दारूच्या नशेत रस्त्यावर फिरत असल्याचा सनीचा व्हिडीओ (Sunny Deol Video) पाहून नेटिझन्स त्याला ट्रोल करत आहे.
Sunny Deol
Sunny Deol Saam TV

Sunny Deol Viral Video:

बॉलिवूड (Bollywood) अभिनेता सनी देओल (Sunny Deol) दररोज कोणत्या ना कोणत्या कारणाने सोशल मीडियावर चर्चेत असतो. 'गदर 2' मुळे (Gadar 2 Movie) त्यांच्या लोकप्रियतेत भर पडली. या चित्रपटाच्या माध्यमातून सनी देओलने मोठ्या पडद्यावर धमाकेदार एन्ट्री केली. हा चित्रपट त्याच्या करिअरमधील मैलाचा दगड ठरला. या चित्रपटाच्या यशानंतर सनी देओलकडे एकापाठोपाठ एक चित्रपट येत आहेत.

येत्या काळामध्ये तो अनेक चित्रपटाच्या माध्यमातून प्रेक्षकांच्या भेटीला येणार आहे. अशामध्ये नुकताच सोशल मीडियावर सनी देओलचा एक व्हिडीओ व्हायरल झाला आहे. दारूच्या नशेत रस्त्यावर फिरत असल्याचा सनीचा व्हिडीओ (Sunny Deol Video) पाहून नेटिझन्स त्याला ट्रोल करत आहे. पण आता अभिनेत्याने या ट्रोलिंगनंतर ट्रोलर्सला उत्तर देत चर्चांना पूर्णविराम दिले आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

सोशल मीडियावर व्हायरल होणाऱ्या व्हिडीओमध्ये दिसत आहे की, सनी देओल दारूच्या नशेमध्ये रात्रीच्या वेळी मुंबईतल्या रस्त्याच्या मधोमध चालत आहे. त्याला नीट चालता देखील येत नाहीये. अशामध्ये तो एका ऑटो रिक्षाला जाऊन धडकतो. त्यावेळी सनी देओल या रिक्षावाल्यासोबत काही तरी बोलताना आणि हसताना दिसतो. व्हिडीओ काढणाऱ्या व्यक्तीला रिक्षावाला हटकतो. दारू प्यायलेल्या सनीला रिक्षावाला कसा तरी पकडतो आणि मदत करतो. त्यानंतर सनीला तो रिक्षामध्ये बसवतो.' सनीचा हा व्हिडीओ जुहू सर्कल परिसरातील आहे.

सनी देओलचा हा व्हिडीओ व्हायरल झाल्यानंतर नेटिझन्स त्याला ट्रोल करत आहेत. पण खरंच सनी देओल दारूच्या नशेमध्ये रस्त्यावर फिरत होता का?, हा व्हिडीओ खरा आहे का? असे अनेक प्रश्न त्याच्या चाहत्यांना पडले होते. अखेर सनी देओलने या व्हिडीओवर मौन सोडले आहे. त्याने या व्हिडीओमागचे सत्य सांगितले आहे.

नुकताच सनी देओलने आपल्या अधिकृत एक्स अकाऊंटवर एक व्हिडीओ शेअर केला आहे. ज्यामध्ये तो दारूच्या नशेत रस्त्यावरून चालताना दिसत आहे आणि कॅमेरा टीम त्याच्या समोरून चालत शूट करत आहे. हा व्हिडिओ शेअर करताना सनी देओलने लिहिले की, "अफवाहों का सफर बस यही तक" म्हणजेच अफवांचा प्रवास इथपर्यंतच.

Sunny Deol
Fighter Movie: 'अ‍ॅनिमल'नंतर अ‍ॅक्शन मोडमध्ये अनिल कपूर, कॅप्टन राकेश जयसिंगचा 'फायटर' लूक आऊट

सनी देओलने व्हिडीओ शेअर करत त्याला दिलेल्या कॅप्शनमध्ये 'सफर'ला कोट-अनकोट केले आहे. याचाच अर्थ ते त्याच्या आगामी चित्रपटाचे नाव आहे. सनी देओलने शेअर केलेला व्हिडीओ त्याच्या 'सफर' चित्रपटातील शूटिंगदरम्यानचा आहे. सनी देओलने या व्हिडीओवर स्पष्टीकरण दिल्यामुळे आता त्याच्या चाहत्यांच्या मनामध्ये व्हिडीओवरून निर्माण झालेला संभ्रम दूर झाला आहे.

Sunny Deol
Suruchi Adarkar Wedding: सुरुची अडारकर अडकली विवाहबंधनात, या प्रसिद्ध अभिनेत्यासोबत केलं लग्न?

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com